Dhule News: दोनशे रुपयांची लाच घेणे वाहतुक पोलिसाला पडले महागात

धुळे : दोनशे रुपयांची लाच घेणं ट्राफिक हवालदारस चांगलच महागात पडल आहे. धुळे शहरातील तहसील चौकात आवश्यक कागदपत्रे असताना देखील वाहन धारकांकडून ऑनलाईन पद्धतीने दंड आकारण्याची धमकी देत दोनशे रुपयाची लाच मागणाऱ्या ट्रॅफिक हवालदारास लाच लुचपत प्रतिबंधक विभागाच्या अधिकाऱ्यांनी दोनशे रुपयांची लाच घेताना रंगेहात अटक केली आहे. (Breaking Marathi News)

तक्रारदाराकडे आवश्यक सर्व कागदपत्रे होती. तरी देखील लाच घेण्यासाठी नाहक त्रास दिला जात असल्याची तक्रार लाचलुचपत प्रतिबंधक विभागाच्या अधिकाऱ्यांना देण्यात आलेली होती. या अनूशंगाने लाच लुचपत प्रतिबंधक विभागाच्या अधिकाऱ्यांनी सापळा रचला असता या सापळा दरम्यान संबंधित ट्राफिक पोलीस कर्मचारी लाच घेताना आढळून आला आहे.

अटक करत गुन्‍हा दाखल

धुळे शहर वाहतुक शाखेतील पोलिस रस्‍त्‍यावर वाहने अडवून वाहन धारकांना नाहक त्रास देत पैशांची मागणी करत होता. अशाच प्रकरणात दोनशे रूपयांची लाच स्‍वीकारताना या कर्मचाऱ्यास तात्काळ अटक करण्यात आली असून गुन्हा दाखल करण्याचे काम सुरू आहे.