प्राथमिक शाळेत विद्यार्थ्यांची उत्स्फूर्त हजेरी; धुळ्यात वर्ग सुरू

धुळे : गेल्या दोन वर्षांपासून कोरोनाच्या (Corona) पार्श्वभूमीवर बंद असलेले प्राथमिक वर्ग शासनाच्या आदेशानुसार आज सुरू करण्यात आले आहेत. या आदेशाचे पालन करीत शाळा प्रशासनातर्फे कोरोणाचे सगळे नियम पाळत या विद्यार्थ्यांना प्रवेश दिला जात आहे. विद्यार्थ्यांची देखील शाळेला उत्स्फूर्त हजेरी लागली.

कोरोनाच्‍या लाटेत शाळा बंद झाल्‍या होत्‍या. मात्र दोन वर्ष ऑनलाइन प्रणालीने शिक्षण घेऊन कंटाळलेले विद्यार्थी पहिल्याच दिवशी शाळेमध्ये येताना चिमुकल्यांच्या चेहर्‍यावर वेगळाच आनंद दिसून येत आहे. शिवाय, कोरोनामुळे कधी शाळेची पायरी न चढलेले विद्यार्थी देखील आज प्रथमच शाळेत आल्‍याचे पहायला मिळाले.

कोरोना नियमांचे पालन

आज पहाटे पासूनच शाळा प्रशासन विद्यार्त्यांच्‍या स्वागतसाठी सज्ज असल्याचे दिसून आले. एकीकडे शाळा सुरू होण्याचा आनंद विद्यार्थी आणि शिक्षकांच्यामध्‍ये दिसून असताना कोरोनाच्‍या तिसऱ्या लाटेचा धोका पाहता त्याचा प्रसार होऊ नये; यासाठी शाळा प्रशासन शासनाच्या नियमनुसर मास्क, सॅनीटायझर करून विद्यार्त्याना प्रवेश दिला जात आहे.