दीड महिन्यानंतर शिरपूर तालुक्यात पावसाची दमदार हजेरी

धुळे : दीड महिन्‍यांपासून दडी मारलेल्‍या पावसाचे राज्‍यातील अनेक भागात सोमवारपासून हजेरी लागली आहे. यातच शिरपूर तालुक्‍यात देखील पावसाने जोरदार हजेरी लावली असून, बळीराजा पावसाच्‍या आगमनामुळे सुखावला आहे. (dhule-news-shirpur-taluka-today-rain-coming-after-one-and-half-month)

शिरपूर तालुक्यामध्ये पावसाने जोरदार हजेरी लावली असून गेल्या दीड महिन्यापासून पावसाने पाठ फिरवल्यामुळे शेतकऱ्यांच्या चिंतेत वाढ झाली होती. परंतु आज सकाळपासूनच ढगाळ वातावरण व अधूनमधून रिमझिम पावसाला सुरुवात झाली होती. परंतु आता मात्र जोरदार पावसाला सुरवात झाली असून या पावसामुळे दुबार पेरणी केलेल्या पिकांना नवसंजीवनी मिळणार असल्यामुळे शेतकरी राजा सुखावला आहे.

चांगल्‍या पावसाने आशा पल्‍लवीत

पावसाळा सुरू झाल्यानंतर जवळपास ऑगस्ट महिना देखील अर्धा उलटला तरी देखील शिरपूर तालुक्यामध्ये पाऊस नसल्यामुळे नागरिकांसह शेतकरी राजा हवालदिल झाला होता. परंतु आज पावसाने दमदार हजेरी लावल्यामुळे खालावलेल्या विहिरींची पाणी पातळी देखील या पावसामुळे वाढणार असल्याचे दिसून येत आहे.