Dhule News: दगडी कोळशाने भरलेल्‍या धावत्‍या ट्रकला आग; सुदैवाने मोठा अनर्थ टळला

धुळे : मुंबई– आग्रा महामार्गावर धुळे शहरापासून काही अंतरावर असलेल्या आझादनगर पोलीस (Police) ठाण्याच्या हद्दीमध्ये बर्निंग ट्रकचा थरार बघावयास मिळाला आहे. (Tajya Batmya)

मुंबई आग्रा महामार्गावरून जाणाऱ्या दगडी कोळशाने भरलेल्या ट्रकला अचानक आग लागली. ट्रकमध्ये असलेल्या ट्रक चालकाने प्रसंगावधान दाखवत ट्रकला आग (Fire) लागल्याचे लक्षात येताच बाहेर उडी घेतली. यामुळे सुदैवाने या घटनेत कुठल्याही प्रकारची जीवित हानी झाली नाही. परंतु काही (Dhule) वेळातच या ट्रकने मोठ्या प्रमाणात पेट घेतला व या आगीत ट्रकचे मोठ्या प्रमाणात नुकसान झाले आहे.

वाहतूक खोळंबली

घटनेची माहिती मिळताच अग्निशमन दलाने घटनास्थळी तात्काळ पोहोचले. अथक प्रयत्नानंतर या आगीवर नियंत्रण मिळवले आहे. ट्रकला लागलेल्या आगीमुळे मुंबई आग्रा महामार्गावरील वाहतूक बराच वेळ खोळंबल्याचे बघावयास मिळाले आहे. ट्रकला आग लागल्याच्या घटनेची माहिती मिळताच परिसरात एकच खळबळ उडाली.