Dhule News: ४२ जागांसाठी पोलीस भरती प्रक्रियेला सुरुवात; ३७९६ अर्ज दाखल

४२ जागांसाठी पोलीस भरती प्रक्रियेला सुरुवात; ३७९६ अर्ज दाखल
Dhule News
Dhule NewsSaam tv

धुळे : जिल्हा पोलिस दलातील ४२ रिक्त जागा भरण्यासाठी धुळे (Dhule) शहरातील पोलिस कवायत मैदानावर भरती प्रक्रिया सुरू झाली आहे. पोलिस (Police) प्रशासनाकडे ३ हजार ७९६ अर्ज आले आहेत. भरतीसाठी सुमारे ४०० पोलिसांची नियुक्ती करण्यात आली आहे. (Live Marathi News)

Dhule News
Jalna News: आंदोलनात भाजपचे दोन गट; अजित पवारांच्या वादग्रस्त वक्तव्याचा निषेध

भरतीला येणाऱ्या उमेदवारांसाठी पोलीस (Dhule Police) प्रशासनातर्फे सर्व तयारी करण्यात आली असून उमेदवारांना आवश्यक सर्व बाबींची सोय देखील करण्यात आली आहे. उमेदवारांना पोलिस कवायत मैदानाच्या मुख्य प्रवेशद्वारातून आत सोडले जात असतांना आवश्यक कागदपत्रे तपासली जात आहेत. त्यामुळे मुख्यालयासमोरील मॉडर्न रोडवर वाहतूक कोंडी होऊ शकते. यामुळे वाहतुकीचे नियोजन देखील करण्यात आले आहे.

पहिल्‍या दिवशी ८०० उमेदवारांना संधी

पोलिस भरतीसाठी पहाटे साडेपाच वाजेपासून पोलिस बंदोबस्त तैनात करण्यात आले आहे. सकाळी साडेसहा वाजेनंतर उमेदवाराच्या कागदपत्रांची तपासणी केल्यावर त्यांना आत सोडण्यात आले. पहिल्या दिवशी ८०० उमेदवारांना संधी दिली जाणार आहे. भरती प्रक्रियेसाठी मैदानात सुमारे २८६ अधिकारी व कर्मचारी तैनात करण्यात आले आहे. तसेच मैदानाबाहेरही मोठ्या प्रमाणात पोलीस बंदोबस्त तैनात आहे.

सीसीटीव्‍ही कॅमेराचीही नजर

भरती प्रक्रिया पारदर्शी पद्धतीने व्हावी; यासाठी सुमारे २० सीसीटीव्ही कॅमेरे लावण्यात आले आहेत. छाती व उंची मोजणीसाठी ८ ठिकाणी व्यवस्था करण्यात आली आहे. मैदानात कागदपत्रांसह विविध प्रकारच्या तपासण्या करण्यासाठी १५ तंबू उभारण्यात आले आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com