Dhule Crime : जीएसटी अधिकारी असल्याची बतावणी करत लाखोंची लूटमार; टोळी तिघे धुळे पोलिसांच्या ताब्यात

धुळे : लाल दिव्याच्या गाडीचा वापर करीत आरोपिंनी संगणमताने जीएसटी अधिकारी असल्याची (Dhule) बतावणी करीत १ लाख ३० हजार रुपयांची लूटमार केली. दिवसाढवळ्या हा लुटमारीचा प्रकार झाला होता. आझादनगर पोलीस (Police) ठाण्यात नोंद असलेल्या या गुन्ह्याची उकल करीत पोलिसांनी टोळीला ताब्यात घेतले आहे. (Maharashtra News)

महामार्गावर लाल दिव्याची गाडी उभी करत जीएसटी अधिकारी असल्याचे सांगत ट्रकची तपासणी करण्यात आली. यानंतर (Dhule Police) संबंधित ट्रक मालकाच्या तपासणी केलेल्या कागदपत्रात त्रुटी काढून त्यांना जवळपास १२ लाख ९६ हजार रुपयांची दंडाची मागणी केली. त्यानंतर जवळपास एक लाख तीस हजार रुपयांची रक्कम फोन पे द्वारे स्वीकारली. त्यानंतर त्यांची फसवणूक (Fraud) झाली असल्याचे तक्रारदारांच्या निदर्शनास आल्याने त्यांनी तात्काळ आझादनगर पोलीस ठाण्यात याबाबतची तक्रार दिली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

धुळ्याचे जिल्हा पोलीस अधीक्षक श्रीकांत धीवरे यांनी या गुन्ह्याची उकल करण्याचे वरिष्ठ अधिकाऱ्यांना आदेश दिले. त्यानुसार तपास करत या गुन्ह्याची उकल संबंधित पथकातील तपास अधिकाऱ्यांनी केली असून, यातील तिघा जणांच्या पोलिसांनी मुसक्या आवळल्या आहेत. त्यांच्याकडून पुढील तपास धुळे पोलिसांतर्फे करण्यात येत आहे.