वाहतूक विभागातर्फे कारवाईचा बडगा; दोनशे बेशिस्त वाहनधारकांवर कारवाई

धुळे : शहरामध्ये बेशिस्त वाहन चालकांमुळे मोठ्या प्रमाणात वाहतूक कोंडीचा सामना नागरिकांना करावा लागतो. बेशिस्तपणे वाहनांची पार्किंग केल्यामुळे देखील वाहतूक कोंडीचा परिणाम शहरामध्ये वाढला असल्यामुळे धुळे (Dhule) शहर वाहतूक नियंत्रण विभागाच्यावतीने या बेशिस्त वाहनधारकांवर कारवाईचा बडगा उगारण्यात येत आहे. (dhule news action by traffic police Department of Transportation)

वाहतूक विभागातर्फे सोमवारपासून कारवाईला सुरुवात करण्यात आली होती. आज देखील बेशिस्त वाहनधारकांवर (Police) वाहतूक विभागातर्फे कारवाई करण्यात येत आहे. आतापर्यंत जवळपास 200 हून अधिक बेशिस्त वाहनधारकांवर कारवाई करण्यात आली आहे. यामध्ये जवळपास 18 हजारहुन जास्तीचा दंड वाहतूक विभागातर्फे वसूल करण्यात आला आहे. यापुढे देखील बेशिस्त वाहनधारकांवर अशाच पद्धतीने कारवाई सुरू ठेवणार असल्याचे अधिकार्यांतर्फे सांगण्यात आले आहे.