Dhule Crime : स्वस्तात तांब्याची वायर देण्याच्या बहाण्याने लूट; टोळी निजामपूर पोलिसांच्या ताब्यात

धुळे : मुंबईतील एका पार्टीला स्वस्तातील तांब्याची वायर देण्याचे आमिष दाखवून त्यांची लुटमार करण्यात आली होती. लूटमार करणाऱ्या या टोळीला अवघ्या १२ तासात जेरबंद करण्यात निजामपूर पोलिसांना यश आले आहे. टोळीतील तिघांना ताब्यात घेत त्यांच्याकडून १३ लाख ५० हजारांची रोकड पोलिसांनी जप्त केली आहे. 

मुंबईतील (Mumbai) इंजिनिअरींग वर्कशॉचे मॅनेजर सर्वेश सोनाळकर यांच्याशी फेसबुकद्वारे संपर्क साधत आमच्याकडे उत्कृष्ट दर्जाची तांब्याची वायर असून आम्ही ती तुम्हाला निम्मे किमतीत देवू; असे आमिष संबंधित संशयितांनी दाखविले. त्यानुसार ४४ टन कॉपर वायर २ कोटी ४४ लाख रुपयांत देण्याचे निश्चित झाले. त्यासाठी चोरट्यांनी २२ ते २३ लाखांची आगाऊ रक्कमेची मागणी केली.

त्यानुसार मुंबईतील इंजिनिअरींग वर्कशॉपचे मालक व त्यांचे काही सहकारी हे दोन चारचाकी वाहनांनी पेटले गाव शिवारातील (Dhule) सुझलॉन कंपनीजवळ आले. कंपनीच्या गेटवर हे ठग अगोदरच उभे होते. त्यांनी या संबंधितांकडून त्यांच्या ताब्यातून २२ लाख ३ हजारांची रोकड, २ लाख ५५ हजार रुपये किमतीची सोन्याची अंगठी व चैन, घड्याळ, एटीएम कार्ड असा जवळपास २४ लाख २८ जहारांचा मुद्देमाल लुटून पोबारा केला होता. या प्रकरणी (Police) पोलिसात तक्रार दिल्यानंतर अवघ्या चोवीस तासात या टोळीला निजामपूर पोलिसांनि ताब्यात घेतले.