Tuljabhavani Mandir: तुळजापूरमध्ये बोगस पुजारी; भाविकांच्या फसवणूकीचे प्रकार

बालाजी सुरवसे 

धाराशिव : तुळजाभवानी देवीच्या दर्शनासाठी राज्यासह देशाच्या कानाकोपऱ्यातुन भाविक तुळजापूरात (Tuljapur) येत असतात. येथे येणाऱ्या भाविकांची काही बोगस पुजाऱ्यांकडून फसवणूक (Fraud) केली जात असल्याचा प्रकार समोर आला आहे. (Latest Marathi News)

तुळजाभवानी देवीच्या दर्शनासाठी मोठ्या संख्येने भाविक येत असतात. मात्र काही बोगस पुजाऱ्यांकडुन भावीकांची फसवणूक करण्याचे प्रकार वाढले असुन रात्री उशीरा येणाऱ्या भाविक भक्तांना निवासाची सोय करण्याच्या नावाखाली लॉज-भक्त निवास (Tuljabhavani Mandir) देण्याच्या नावाखाली तसेच पुजा करण्याच्या नावाखाली फसवणूक केली जात आहे. परंतु येथे येणार भाविक मागेल तेवढी रक्कम या बोगस पुजाऱ्यांना देत असतो. 

बायोमेट्रिक ओळखपत्र द्यावे 

तुळजापूर मंदिर परिसरात असलेल्या बोगस पुजाऱ्यांना लॉज धारकाकडुन कमीशन दिले जात आहे. त्यामुळे मुळ हक्कदार पुजाऱ्यांना बायोमेट्रिक ओळखपत्र देण्यात यावी व भाविकांची होणारी लुट थांबवावी; अशी मागणी पुजारी मंडळाच्या वतीने करण्यात आली आहे.