Omprakash Rajenimbalkar News: शेतकऱ्यांना देशोधडीला लावण्याच काम केंद्र सरकार करतय; खासदार ओमप्रकाश राजेनिंबाळकर

बालाजी सुरवसे 

धाराशिव : केंद्र सरकारने कांद्याच्या निर्यात शुल्कात ४० टक्के वाढ केली आहे. या निर्णयाचा आम्ही निषेध व्यक्त करत आहे. केंद्र सरकार हे (Farmer) शेतकऱ्यांना देशोधडीला लावण्याचे व कुटुंब उद्ध्वस्त करण्याच काम करत (Dharashiv) असल्याचा आरोप धाराशिवचे ठाकरे गटाचे खासदार ओमप्रकाश राजेनिंबाळकर यांनी केला आहे. (Latest Marathi News)

केंद्र सरकारने जर कांदा निर्यात शुल्क दरवाढीचा निर्णय मागे न घेतल्यास व शेतकऱ्यांना अशा प्रकारे निर्णय घेवुन देशोधडीला लावण्याच काम केले, तर शेतकरी हा मतपेटीच्या माध्यमातून चोख उत्तर देईल. जगातील कितीही लोकप्रिय नेता असला तरी आमच्या शेतकऱ्यांनी एकदा जर हातात रुमन उपसल तर रुमण्याचे घाव त्याच्यावर लावल्याशिवाय राहणार नाही; असा थेट इशारा नाव न घेता थेट पंतप्रधान नरेंद्र मोदी यांच्यवर खासदार ओमप्रकाश राजेनिंबाळकर यांनी साधला आहे.  

दरवाढ निर्णयाची होळी 

दरम्यान केंद्र सरकारच्या कांदा दरवाढ निर्णयाची ठाकरे गटाच्या वतीने तुळजापूर येथे होळी करून निषेध व्यक्त करण्यात आला. यावेळी भाजप सरकारच्या विरोधात जोरदार घोषणाबाजी करण्यात आली. दरम्यान कांद्याच्या माळा गळ्यात घालुन शिवसैनिक आंदोलन सहभागी झाले होते.