Hapus Mango: भावा, हापूस घेताना फसवणूक होतेय? मग कसा ओळखणार खरा देवगड हापूस

सचिन जाधव , साम प्रतिनिधी

बाजारात देवगड हापूस आंबा घेताना अनेकांची फसवणूक होते. देवगड म्हणून फळविक्रेता वेगळाच हापूस आंबा ग्राहकांच्या माथी मारत देत असतो. सर्वसामान्यांना खरा हापसू कसा ओळखता येत नाही. ग्राहकाची होणारी फसवणूक लक्षात घेता, खरा हापूस आंबा शोधण्यासाठी एक तंत्रज्ञान विकसित करण्यात आलंय.

टेक्नोलॉजीमुळे खरा देवगड आंबा आपल्याला ओळखता येणार आहे. देवगड हापूस आंब्यावर आता बाराकोड असणार आहे. खरा देवगड हापूस ओळखता यावा यासाठी प्रत्येक पॅकअपवर TP seal UID कोड लावण्यात आलाय. त्या माध्यमातून खरा देवगड ओळखता येणार आहे. GI नोंदणी असलेल्या शेतकऱ्यांनादेखील याचा फायदा होणार आहे.

TP Seal UID स्टिकर technology कशी काम करते?

देवगड तालुका आंबा उत्पादक सहकारी संस्थेने GI नोंदणीकृत शेतकऱ्यांना त्यांच्याकडील झाडांची संख्या व त्यांच्या उत्पादन क्षमतेनुसार TP Seal UID वितरित केले आहेत.

शेतकऱ्यांनी बाजारात पाठवलेल्या प्रत्येक देवगड हापूस आंब्यावर हा UID स्टिकर लावणे बंधनकारक असेल.

प्रत्येक स्टिकर दोन भागात विभागलेला एक स्वतंत्र युआयडी असतो. त्या कोडचा एक भाग स्टिकरच्या वरती आणि दूसरा भाग स्टिकरच्या खाली असतो.

आपल्याकडील आंबा देवगडचाच आहे का हे तपासण्यासाठी ग्राहकांना +91 9167 668899 या क्रमांकावर व्हॉट्सअॅपच्या माध्यमातून फोटो पाठवावा लागेल.

ही सिस्टम (प्रणाली) त्या स्टीकर वरील कोड वाचते.

स्टिकरच्या मागील नंबर लिहून पाठवण्यास सांगते. नंबर वाचण्यासाठी स्टीकर काढल्यानंतर त्याचे दोन भाग होतात.

जर व्हॉट्सअॅप द्वारे आलेला संपूर्ण कोड सिस्टममधील UID शी जुळला, तर ग्राहकास शेतकरी/विक्रेत्याचे नाव, मूळ गाव, GI नोंदणी क्रमांक इत्यादी तपशील पाठवला जातो.

या पडताळणी प्रक्रियेमुळे ‘देवगड हापूस’ बाबत ची विश्वसनीयता वाढेल यासाठी UID करण्यात आला आहे.