CM एकनाथ शिंदेंना भाजपचा धक्का? सत्ता आल्यास फडणवीस मुख्यमंत्री? वाचा स्पेशल रिपोर्ट

मुख्यमंत्री एकनाथ शिंदेंना भाजप पुन्हा धक्का देण्याच्या तयारीत आहे. सत्ता आल्यास एकनाथ शिंदेंना मुख्यमंत्रीपदाला मुकावं लागणार असल्याचं दिसतंय. कारण ज्यांच्या जास्त जागा त्याच पक्षाचा मुख्यमंत्री होणार, असं भाजपनं ठरवल्याची माहिती समोर आलीये. अर्थात भाजपचं शिंदे आणि अजित पवारांना ऐकावं लागणार कारण महायुतीत सध्या तरी भाजपचं मोठा भाऊ आहे. यामुळे शिंदेंच्या शिवसेनेत निराशा आहे असं दिसतंय.

लोकसभेचा निकाल पाहता महायुतीत शिंदेंचा स्ट्राईक रेट भाजपपेक्षा चांगला होता. त्यामुळे विधानसभेत पुन्हा शिंदेना मुख्यमंत्रीपदासाठी कौल मिळू शकतो असं दिसत असतांना अमित शाहांनी शिंदेंना त्यागाची आठवण करुन दिली.

२०१९ ला शिवसेना १२४ जागांवर लढली परंतू 2024 ला बाळासाहेबांची शिवसेना म्हणणाऱ्या भाजपनं शिंदेंची केवळ 80 जागांवरच बोळवण केल्याचं दिसतंय. तर लोकसभेत 28 जागा लढवून केवळ ९ जागा जिंकणाऱ्या भाजपनं यंदा विधानसभेला थेट 160 पेक्षा अधिक जागा लढवण्याची तयारी सुरु केलीये.

लोकसभा असो की विधानसभा भाजपनं मित्रपक्षांना आपल्या मर्जीप्रमाणे जागावाटप केलंय. त्यामुळे मुख्यमंत्रीपद मिळवण्यासाठी कमी जागा लढवून भाजपपेक्षा अधिक जागा मिळवणं हे खरं आव्हान शिंदेंसमोर असणार आहे.

मुख्यमंत्रीपदाचा चेहरा महायुतीनं घोषित केलेला नाही. म्हणून निकालानंतर जर जास्त जागा आल्या तर भाजप पुन्हा त्यागाची आणि जास्त जागा जिंकेल त्याचा मुख्यमंत्री या सुत्राची आठवण करुन देणार हे निश्चित आहे. त्यामुळेच महायुतीचा विजय झाला तर शिंदेंच्या ऐवजी देवेंद्र फडणवीसांना मुख्यंमत्रीपदावर बसवलं जाणार का हे पाहणं महत्वाचं ठरणारेय.