अमरावती : स्वाभिमानी शेतकरी संघटनेचे (Swabhimani Shetkari Sanghatana) नेते राजू शेट्टी (Raju Shetti) यांनी आमदार देवेंद्र भुयार (Devendra Bhuyar) यांची गुरुवारी पक्षातून हकालपट्टी केली. त्यावर आमदार देवेंद्र भुयार यांनी त्याबाबत मला फारसे काही बाेलायचे नाही असे स्पष्ट केले. मला फालतू गाेष्टींवर लक्ष ठेवण्यास वेळ नाही, मतदारसंघाचा विकास माझ्यासाठी महत्वाचा आहे असा टाेला आमदार देवेंद्र भुयार यांनी त्यांच्यावर झालेल्या कारवाईनंतर स्वाभिमानीचे नेते राजू शेट्टी यांचे नाव न घेता लगावला आहे. (Devendra Bhuyar Latest Marathi News)
देवेंद्र भुयार हे गेल्या कित्येक दिवसांपासून पक्षप्रमुखांच्या संपर्कात नव्हते. पक्षाच्या कोणत्याही कार्यक्रमाला येत नव्हते. यावरून मतदारसंघातही त्यांच्या विरोधात नाराजीचा सूर होता. अखेर हिवरखेड येथे पक्षाच्या वतीने घेण्यात आलेल्या शेतकरी मेळाव्यात स्वाभिमानी शेतकरी संघटनेचे पक्ष प्रमुख राजू शेट्टी यांनी गुरुवारी आमदार देवेंद्र भुयार यांच्या हकालपट्टीची घोषणा केली. या घाेषणेनंतर (decision) कार्यकर्त्यानी ढोल वाजवत, फटाके फोडत आंनद साजरा केला.
या कारवाईबाबत आमदार देवेंद्र भुयार यांनी फेसबुक पोस्ट करीत “धन्यवाद’ असे म्हटले. ही कारवाई काही नवीन नाही. जे सर्वांसोबत झाले तेच माझ्या सोबत ही झाले असे त्यांनी नमूद केले आहे. मी मतदार संघातील कामांच्या विकासावर लक्ष केंद्रित केले आहे असेही स्पष्ट केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
