दिल्ली कोर्टाकडून आमदार रवी राणा यांना दिलासा; उद्या राणा अमरावतीत येणार?

अमरावती: आमदार रवी राणा (MLA Ravi Rana) यांच्यावर अमरावतीचे मनपा आयुक्त प्रवीण आष्टीकर यांच्या अंगावर शाईफेक प्रकरणी गुन्हे दाखल आहे. त्यामुळे त्या घटनेच्या दिवसापासून रवी राणा दिल्लीतच आहे. मात्र आज रवी राणा यांनी दिल्लीच्या (Delhi) पटियाला हाऊस कोर्टात धाव घेतली यात दिल्लीच्या कोर्टाने रवी राणा यांना एका आठवड्याचा ट्रानजिक बेल मिळाली असल्याची माहिती रवी राणा यांनी दिली आहे. त्यामुळे रवी राणा यांना एका प्रकारे दिलासा मिळाला असल्याचे बोलले जात आहे.

तर मला व खासदार नवनीत राणा यांना मुख्यमंत्री फसवण्याचा प्रयत्न करत आहे. तर माझ्यावर खोटा गुन्हा दाखल केल्याने मी आता उद्या नागपूर हायकोर्टात धाव घेऊन या विरोधात दाद मागणार व ज्या पोलिसांनी माझ्यावर खोटे गुन्हे दाखल केले त्यांच्यावर कारवाईची मागणी करणार असल्याचे त्यांनी सांगितले त्यामुळे आता उद्या रवी राणा अमरावतीत येणार असल्याची माहिती आहे.

Edited By: Pravin Dhamale