देगलूर विभानसभा मतदारसंघात आज नेत्यांची मांदियाळी

नांदेड: देगलूर विधानसभा मतदारसंघात (Deglaur Assembly constituency) नेत्यांची मांदियाळी राहणार आहे. निवडणुकीचा प्रचार अंतिम टप्यात आल्याने पंढरपूर पोट निवडणुकीची (Pandharpur By- Election) पुनरावृत्ती होऊ नये यासाठी महाविकास आघाडीने (Mahavikas Aghadi) कंबर कसली तर भाजपने पंढरपुरची पुनरावृत्ती करण्यासाठी प्रभावीपणे यंत्रणा कामाला लावली आहे. आज भाजप उमेदवार सुभाष साबणे यांच्या प्रचारार्थ विरोधी पक्ष नेते देवेंद्र फडणवीस (Devendra Fadnvis) यांच्या तीन सभा होणार आहेत.

तर महाविकास आघाडीचे उमेदवार जितेश अंतापूरकर यांच्या प्रचारार्थ आज राष्ट्रवादी काँग्रेस चे नेते, मंत्री धनंजय मुंडे , नवाब मलिक, पालकमंत्री अशोक चव्हाण, शिवसेनेचे अब्दुल सत्तार यांच्या सभा होणार आहेत. वंचित बहुजन आघाडी चे उमेदवार डॉ. उत्तम इंगोले यांच्या प्रचारार्थ बाळासाहेब आंबेडकर यांची देगलूर मध्ये सभा होणार आहे. ही निवडणूक प्रतिष्ठेची असली तरी कोरोनाचे निर्बंध झुगारून नेते मंडळी सभा झोडताहेत या कडे निवडणूक आयोगाचे वा प्रशासनाचे लक्ष गेले नाही का असा सवाल आता सर्वसामान्य जनता विचारत आहे.