![Sai baba](http://media.assettype.com/saamtv%2F2023-10%2Ff525f8da-ac6b-4ea9-8624-50da97e01e03%2FSaam_Templet_Banner_new__1_.jpg?w=480&auto=format%2Ccompress&fit=max)
- सचिन बनसाेडे
Shirdi News : शिर्डीत चार दिवस चालणा-या साईबाबांच्या पुण्यतीथी उत्सवाला आजपासून सुरूवात झाली आहे. साईमंदिरात काकड आरतीनंतर तदर्थ समितीचे सदस्य जिल्हाधिकारी सिध्दराम सालीमठ यांच्या हस्ते फोटो आणि पोथीची मिरवणूक काढण्यात आली. उत्सवा निमित्त चार दिवस भाविकांचा शिर्डीत मोठा उत्साह बघायला मिळणार आहे. (Maharashtra News)
विजयादशमीच्या (vijaya dashami 2023) दिवशी साईबाबांची पुण्यतीथी असते. त्यामुळे दरवर्षी हा पुण्यतीथी सोहळा साजरा केला जातो. चार दिवस चालणाऱ्या या उत्सवाला आजपासून सुरूवात झाली आहे. उद्या उत्सवाचा मुख्य दिवस असल्याने उद्या साई मंदिर दर्शनासाठी रात्रभर खुले राहाणार आहे.
उत्सव काळात लाखो भाविक साईदर्शनासाठी शिर्डीत येत असल्याने त्यांच्या निवास, भोजन , दर्शन आणि सुरक्षेची काळजी साईसंस्थानकडून घेण्यात येत आहे. आलेल्या भाविकांच्या स्वागतासाठी श्रीरामपूर मंदिराची भव्य स्वागत कमान उभारण्यात आली आहे.
यावर्षी उत्सवाच्या सांगतेच्या दिवशी प्रधानमंत्री नरेंद्र मोदी साई दरबारी असणार आहेत. यामुळे साईमंदिर परिसरात उत्साहाचे वातावरण आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.