Maharashtra Politics : पवार-ठाकरेंनंतर आंबेडकरी एकत्र? रामदास आठवले आणि प्रकाश आंबेडकरांच मनोमिलन होणार? पाहा स्पेशल व्हिडिओ

सुप्रीम मस्कर, साम टीव्ही

राज्याच्या राजकारणात दुरावलेली मन आणि दुरावलेले पक्ष एकत्र येण्याच्या चर्चा रंगत आहेत. ठाकरे बंधू एकत्र येण्याच्या चर्चा राजकीय वर्तुळात सुरू असतानाच दुसरीकडे राष्ट्रवादी शरद पवार आणि अजित पवार गट एकत्र येण्याच्याही चर्चा सुरु आहेत. त्यातच आता भर पडलीय ती केंद्रीय मंत्री रामदास आठवलेंची...आठवलेंनी वंचितच्या प्रकाश आंबेडकरांनाच खुली ऑफर दिलीय.

याआधीही रामदास आठवले आणि प्रकाश आंबेडकर यांच्या एकत्र येण्याबद्द्ल वक्तव्य झाली होती. आठवलेंनी याआधी आंबेडकरांना कधी कधी ऑफर दिलेली ते पाहूयात...

रिपब्लिकन पक्ष एकत्र येणार?

16 जानेवारी 2024

अकोल्यात आठवलेंकडून आंबेडकरांना रिपब्लिकन ऐक्यासाठी एकत्र येण्याचे आवाहन

9 नोव्हेंबर 2024

महायुतीच्या सभेतून आठवलेंकडून आंबेडकरांना RPI चा अध्यक्ष होण्याची ऑफर

15 मे 2025

ठाकरें बंधूच्या एकत्रीकरणाच्या चर्चेनंतर आठवलेंची आंबेडकरांना पुन्हा ऑफर

आंबेडकर आणि आठवले या दोघांचे राजकीय मार्ग वेगळे असले तरी, दलित आणि आंबेडकरी समाजाच्या एकीकरणासाठी आठवले यांनी सातत्याने आंबेडकरांना एकत्र येण्याचे आवाहन केलेय. मात्र आठवलेंच्या ऑफरवर प्रकाश आंबेडकरांनी थेट प्रतिक्रिया दिलेली नाहीए. आता वंचितच्या प्रदेशाध्यक्षा आठवले- आंबेडकर एकत्रयेण्याबद्दल काय म्हणतात? पाहूयात

आठवलेंच्या ऑफरमुळे राजकीयदृष्ट्या महायुतीला बळकटी देण्यासाठी प्रकाश आंबेडकरांना एकत्र घेण्याची रणनीती आखली जातेय का? असा प्रश्न निर्माण होतोय. त्याउलट प्रकाश आंबेडकरांनी स्वतःच्या पक्षाला स्वतंत्र ठेवण्यावर भर दिलाय. विधानसभेतही महाविकास आघाडीसोबत त्यांचे सूर जुळले नाहीत. तर आता आठवलेंसोबत जुळतील का? हा खरा प्रश्न आहे.दुसरीकडे विधानसभेत अकोला पॅटर्न फेल गेल्यानं वंचितचं अस्तित्तव टिकवण्यासाठी प्रकाश आंबेडकर आठवलेंची साथ देतील का? हे येणारा काळच ठरवेल,