कोरोनासोबत डेंगू, चिकुनगुनीया सारख्या आजारांचे प्रमाण वाढले; दवाखान्यात रुग्णांची गर्दी

परभणी : कोरोना रुग्णांची (Corona patient) संख्या परभणी जिल्हात झपाट्याने वाढत आहे. अशातच आता कोरोनासोबत इतर साथीच्या आजारांनी देखील डोकं वर काढलं आहे. मलेरिया, चिकनगुनीयासह अन्य किरकोळ आजारांचे प्रमाण वाढल्याने सर्दी, खोकला, तापाच्या रुग्णांची रुग्णालयात मोठ्या प्रमाणात गर्दी केली आहे.

वृध्द व लहानमुलांमध्ये या आजाराचे प्रमाण जास्त आहे. जिल्ह्यात नवीन वर्षाच्या पहिल्या दिवसापासूनच कोरोना (Corona) रुग्ण वाढत आहेत. त्यातच डिसेंबरच्या दुसऱ्या आठवड्यापर्यत शहरात डेंगूचे रुग्ण मोठ्या प्रमाणात होते. त्यानंतर हे रुग्ण हळूहळू कमी झाले मात्र सध्या साथीच्या आजारांनी डोके वर काढले आहे. त्यामुळे आधीच कोरोनाची भीती अशातच आता मलेरिया, गॅस्ट्रो , डेंगू, कावीळ व चिकनगुनीया सोबत सर्दी, खोकला, ताप, अंगदुखी, व डोकेदुखी यांचा त्रास होत असल्याने नागरिक खाजगी व जिल्हा रुग्णालयात गर्दी करत आहेत.

Edited By - Jagdish Patil