गटारी निमित्त चिकन, मटण दुकानावर गर्दी...

राजेश भोस्तेकर

रायगड - श्रावण Shravan महिना सुरू होण्याआधी गटारी Gatari हा सण रायगडात Raigad मोठ्या उत्साहात साजरा केला जात आहे. आज रविवार आणि गटारी अमावस्या जोडून येणं म्हणजे चिकन Chiken आणि मटण Mutton खवय्यांसाठी पर्वणीच. आज रविवार आला असल्याने गटारी जोरदार साजरी केली जाणार आहे. गटारी असल्याने मटण, चिकन तसेच मद्याच्या दुकानावर ग्राहकांची गर्दी पाहायला मिळत आहे. मटण, चिकन व्यवसायिकांचा धंदाही आज तेजीत आहे.

हे देखील पहा -

आज रायगडात साधारण चार ते पाच हजार बोकड कापले गेले आहेत. मटणासोबत मद्यपीच्या रांगा ह्या वाइन शॉप वर पाहायला मिळत आहेत. गावागावात एकत्रित बोकड कापून नागरिकांनी आपले मटणाचे वाटे घरी नेले आहेत.

श्रावणात अनेक जण मांसाहार टाळत असतात. श्रावण सुरू होण्याआधी गटारी सण साजरा केला जातो. गटारी असल्याने मित्रमंडळी, नातेवाईक एकत्र येऊन गटारी साजरी करतात. मटणासोबत आज मद्याचे घोट रिचवले जाणार आहेत.

मटण, चिकन खरेदीसाठी पहाटे पासून ग्राहकाच्या रांगा दुकानाबाहेर लागलेल्या आहेत. रविवार असल्याने आजची गटारी अमावस्या जिल्ह्यात मोठ्या उत्साहात साजरी केली जाणार आहे. मटण, चिकन व्यवसायिकांनीही जास्तीचा माल आज भरलेला आहे.

Edited By - Shivani Tichkule