Crime News : कुजलेला चेहरा अन् अर्धवट पुरलेला मृतदेह, गर्लफ्रेंड-बॉयफ्रेंडला पोलिसांनी केली अटक, नेमकं झालं काय?

गडचिरोली मधील कोरची तालुक्यातील कोटरा ते बोगाटोला रस्त्यालगतच्या गावतलावाजवळ एका २५ ते ३५ वयोगटातील अज्ञात युवकाचा मृतदेह जमिनीत पुरलेल्या स्थितीत आढळल्याने एकच खळबळ उडाली होती. याप्रकरणी तपासाची चक्रे वेगाने फिरवत तब्बल ७२ तासांनंतर पोलिसांनी या घटनेचा छडा लावला आहे. प्रेमसंबंधातून ही हत्या केली असल्याचा प्राथमिक अंदाज असून ५ आरोपींना पोलिसांनी बेड्या ठोकल्या आहेत.

मिळालेल्या माहितीनुसार, ३१ जानेवारी २०२६ रोजी कोटरा ते बोगाटोला रस्त्यालगतच्या गावतलावाजवळ एका अज्ञात व्यक्तीचा मृतदेह पुरलेल्या अवस्थेत नागरिकांना आढळला. सदर मृतदेह पूर्णपणे जमिनीखाली नसल्याने मृतदेहावरील माती बाजुला होऊन तो थोडा उघडा पडला होता. याप्रकरणी पोलिसांनी घटनास्थळी धाव घेत तपास सुरु केला. तब्बल ७२ तासांच्या अथक प्रयत्नानंतर पोलिसांच्या शोध मोहिमेला यश मिळाले.

मृत देहाचा चेहरा कुजलेला असल्याने चेहरा ओळखु येत नव्हता. त्यामुळे गुन्हयाचा छडा लावणे हे आव्हानात्मक होते. पोलिसांना घटनास्थळावर काही संशयास्पद वस्तु आढळल्या. त्यात एक प्लास्टीकची पोतळी आणि पुरण्यासाठी म्हणुन काहीतरी टीकावुसारखे हत्यार वापरले असावे असा घटनास्थळावरील निशानीचा आधार घेत तपास सुरू करण्यात आला

कुरखेडा तालुक्यातील जांभुळखेडा येथील ४ इसम हे सदर परीसरात, एका घरातून टिकावु घेवुन गेले असल्याची माहिती मिळाली. या आधारावर चौकशी केली असता प्रेमसंबंध प्रकरणावरून प्रेयसीने आपल्या प्रियकर आणि त्याच्या सहकाऱ्यासोबत मिळून हत्या केली असल्याचं उघड झालं. दरम्यान पोलिसांनी पाचही आरोपींना अवघ्या ७२ तासांत अटक केली. मात्र हत्येमागील कारण अद्यापही समोर आलेलं नाही. पोलीस आरोपींची कसून चौकशी करत आहेत.