बुलढाणा : मागील काही दिवसांपासून बेपत्ता असलेल्या युवक युवतीचा मृतदेह काल सायंकाळी पिंपळगाव राजा गावाच्या बाहेर एका विहिरीत आढळल्याने परिसरात एकच खळबळ उडालीये. पोलिसांनी घटनास्थळ गाठून दोघांचेही मृतदेह विहिरीबाहेर काढून उत्तरीय कारवाई साठी पाठवले आहेर. मात्र, या दोघांची ही आत्महत्या आहे, की घातपात आहे, याबद्दल विविध चर्चांना उधाण आले आहे. तर, या दोघांचे प्रेम संबंध असल्याच्या चर्चा गावात दबक्या आवाजात सुरु आहेत.
हे देखील पहा :
खामगाव तालुक्यातील भालेगाव बाजार येथील प्रमोद ऊर्फ सुरेश भांबळकर आणि दुर्गा सावरकर हे दोघेही 11 ऑक्टोबरपासून घरून बेपत्ता होते. पिंपळगाव राजा पोलीस ठाण्यात दोघेही हरविल्याची नोंद सुध्दा करण्यात आली होती. त्‍या दोघांचा शोध सुरू असताना काल सायंकाळी पिंपळगाव राजा येथील शेतकरी विठ्ठल पाटील हे शेतातील विहिरीवर पाणी काढण्यासाठी गेले असता त्यांना विहिरीत तरुण-तरुणीचे मृतदेह तरंगताना दिसले. यावेळी त्यांनी घटनेची माहिती पोलिसांना दिली.
घटनेची माहिती मिळताच पिंपळगाव राजा पोलीस पथकासह घटनास्थळी धाव घेतली आणि दोघांचेही मृतदेह बाहेर काढून पंचनामा केला. यावेळी मात्र, ग्रामस्थांनी मोठी गर्दी केली होती. तर, विहिरीच्या बाजूला एक दुचाकी सुद्धा अपघातग्रस्त अवस्थेत आढळल्याने या प्रकरणाचे गौडबंगाल वाढले असून, हा घातपात की आत्महत्या? हे अजूनही स्पष्ट झालेले नाही. पोलिसांच्या तपासणी नंतरच या प्रकरणाचा उलगडा होईल.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
