सात गावांना काेराेनाचा विळखा; प्रशासनाचा लाॅकाडउनचा निर्णय

पंढरपूर : पंढरपूर तालुक्यातील सात गावांमध्ये दहा पेक्षा अधिक काेराेनाचे रुग्ण वाढल्याने या गावांमध्ये कडक निर्बंध लागू करण्यात आले आहेत. काेविड १९ ची साखळी ताेडण्यासाठी यापुर्वी पंढरपूर pandharpur lockdown news जिल्हा प्रशासनाने २१ गावांत निर्बंध लागू केले हाेते. आता नव्याने सात गावांचा समावेश झाल्याने एकूण २८ गावांत हे निर्बंध लागू राहणार आहेत.

प्रांताधिकारी गजानन गुरव म्हणाले कोरोना बाधितांची रुग्ण संख्या अटाेक्यात आणण्यासाठी जिल्हा प्रशासनाने यापूर्वी पंढरपूर तालुक्यातील २१ गावांत संचारबंदी लागू केली आहे. त्याची अमंलबजावणी याेग्य पद्धतीने सुरु आहे. आता तालुक्यातील सात गावांना काेराेनाचा विळखा पडला आहे. येथे दहा पेक्षा अधिक रुग्ण संख्या वाढू लागली आहे. ही संख्या आटाेक्यात आणण्यासाठी निर्बंध लागू केले आहेत.

त्यानूसार वाखरी, तिसंगी, शेळवे, सोनके, सिध्देवाडी, कान्हापुरी, पिराची कुरोली या सात गावांत कडक निर्बंध लागू करण्यात आले आहेत. बाधितांनी त्यांच्या संपर्कातील लाेकांची तपासणी करुन घेणे, जे बाधित नाहीत परंतु ज्यांनी अद्याप लस घेतलेली नाही अशा नागरिकांनी लसीकरण करुन घ्यावे असे आवाहन प्रांताधिकारी गुरव यांनी केले आहे.

Edited By : Siddharth Latkar