Eknath Shinde Corona News : गेल्या काही दिवसांपासून जगभरात कोरोना व्हायरसची प्रकरणे झपाट्याने वाढत आहेत. चीनमध्ये तर कोरोनाने कहर केला आहे. चीनमध्ये आढळून आलेल्या नव्या व्हेरिएंटची भारतातही रुग्ण आढळली आहे. यापार्श्वभूमीवर भारत सरकार अलर्ट झालंय, एकीकडे पंतप्रधान नरेंद्र मोदींनी देशातील कोरोना आढावा बैठक बोलावली असताना आता दुसरीकडे महाराष्ट्राचे मुख्यमंत्री एकनाथ शिंदे यांनीही कोरोनासंदर्भात बैठक बोलावली आहे. (Latest Marathi News)
प्राप्त माहितीनुसार, आज दुपारी ३.१५ वाजता विधानभवनातील मंत्री परिषद सभागृहात मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस आणि आरोग्यमंत्री सावंत यांच्या उपस्थितीत कोविड नियंत्रण आढावा बैठक होणार आहे. या बैठकीत राज्यातील कोरोना परिस्थितीचा आढावा घेतला जाणार असून राज्यात पुन्हा मास्कसक्तीबाबत मोठा निर्णय घेतला जाण्याची शक्यता आहे.
दरम्यान, राज्यात सध्या कोरोना परिस्थिती (Corona Virus) नियंत्रणात आहे. सुदैवाने आतापर्यंत नव्या व्हेरिएंटचा एकही रुग्ण राज्यात आढळून आलेला नाही. कोरोना प्रतिबंधात्‍मक उपाययोजना म्हणून विमानतळावर तपासणी आणि तपासणीत काही आढळून आल्यास तात्काळ विलगीकरण करण्याच्या सुचना दिल्या असल्याचे आरोग्य मंत्री प्रा.डॉ. तानाजी सावंत यांनी सांगितलं आहे.
पंतप्रधान मोदी आज काय निर्णय घेणार?
चीनमधील वाढती रुग्णसंख्या पाहता जगभरात पुन्हा एकदा कोरोनाची चौथी लाट येण्याची भीती वर्तवली जात आहे. भारतातही दोन नवे रुग्ण आढळल्याने आरोग्य प्रशासन अलर्ट झालं आहे. अशातच पंतप्रधान नरेंद्र मोदी यांनी तातडीने कोरोना संदर्भात बैठक बोलावली आहे.
कोरोनाच्या परिस्थितीचा आढावा घेण्यासाठी पंतप्रधान नरेंद्र मोदी आज उच्चस्तरीय बैठक घेणार आहेत. दुपारी ही बैठक होणार असल्याचे सांगण्यात आले. या बैठकीत मास्कसक्तीबाबत मोठा निर्णय होण्याची शक्यता आहे.
Edited By - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.