सांगली शहर पोलीस ठाण्यात अ‍ॅड. गुणरत्न सदावर्तेंविरोधात तक्रार

सांगली : संपकरी एसटी कर्मचाऱ्यांचे वकील गुणरत्न सदावर्ते (Gunratna Sadavarte) यांच्या अडचणींत दिवसेंदिवस वाढ होताना दिसत आहे. 'सिल्व्हर ओक' या शरद पवार यांच्या मुंबई येथील निवासस्थानावर संपकरी एसटी कर्मचाऱ्यांकडून (St employee) करण्यात आलेल्या हल्ल्यानंतर १०५ कर्मचाऱ्यांसह सदावर्ते यांच्यावर गुन्हा दाखल करून अटक करण्यात आली होती. या प्रकरणासह राज्यभरात तब्बल ७ पोलीस ठाण्यात सदावर्ते यांच्यावर गुन्हा दाखल करण्यात आला होता.

हे देखील पहा :

एकीकडे सिल्व्हर ओक हल्लाप्रकरणात आज हायकोर्टाकडून (High Court) सदावर्ते यांच्यासह १०५ जणांना दिलासा देण्यात आला. मात्र, इतर गुन्ह्यात अजूनही सदावर्ते अडकले आहेत. तर दुसरीकडे छत्रपती शिवाजी महाराज (Shivaji Maharaj) यांचे वंशज व मराठा समाजातील प्रतिष्ठीत लोकांबद्दल प्रसार माध्यमासमोर जातीय तेढ निर्माण करून समाज विघातक विधाने करून त्यांची प्रतिमा मलीन करून लोकांना भडकावल्याप्रकरणी सदावर्ते यांच्याविरोधात तक्रार दाखल करण्यात आली आहे.

मिरज (Miraj) शहर पोलीस ठाण्यापाठोपाठ सांगली (Sangli) शहर पोलीस ठाण्यात वकील गुणरत्न सदावर्ते यांच्याविरोधात तक्रार दाखल करण्यात आली आहे. मराठा क्रांती मोर्चाचे (Maratha Kranti Morcha) समन्वयक तक्रारदार डॉ.संजय पाटील यांनी सांगली शहर पोलीस ठाण्यात तक्रार दिली.

Edited By : Krushnarav Sathe