राजेश भोस्तेकर
रायगड : सिनेमा स्टाईलने येऊन मोटार सायकलवर दोन इसमानी तरुण औषध विक्रेत्यांवर गोळीबार (Firing) केल्याची घटना रायगडमध्ये (Raigad) माणगाव शहरात घडली आहे. मध्यरात्रीच्या सुमारास ही घटना घडली आहे. शुभम जयस्वाल (वय 24) असे गोळीबार झालेल्या तरुणाचे नाव असूनत्याच्या पोटात गोळी लागली आहे. जखम गंभीर असल्याने उपचारासाठी मुंबईत (Mumbai) हलविले आहे. याबाबत माणगाव पोलीस ठाण्यात गुन्हा नोंद झाला असून पुढील तपास पोलीस करीत आहे. मात्र हा हल्ला का झाला याबाबत कारण अस्पष्ट आहे. (Raigad Crime News In Marathi)
हे देखील पहा-
अज्ञात इसम पत्ता विचारण्यासाठी थांबले अन्...;
माणगाव शहरात शुभम जयस्वाल याचे औषध विक्री दुकान आहे. शुक्रवार ता. 11 फेब्रुवारी रोजी नेहमीप्रमाणे शुभम याने दुकान बंद करून मध्यरात्री घरी जाण्यास निघाला. यावेळी पल्सर मोटर सायकलवरून आलेल्या दोन अज्ञात इसमांनी पत्ता विचारण्यासाठी त्याला थांबवले. याचवेळी मागे बसलेल्या मोटर सायकल स्वाराने शुभमच्या पोटावर पिस्तुल रोखुन गोळी झाडली. यामध्ये शुभम गंभिर जखमी झाला. हा हल्ला माणगाव मधील कचेरी रस्त्यावर झाला. या प्रकारणी माणगाव पोलिस तपास करीत आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.