Chhatrapati Sambhajinagar: रेडीको एनव्ही कंपनीमधील बॉयलरचा स्फोट; 3 कामगारांचा मृत्यू

छत्रपती संभाजी नगरमधील शेंद्रा एमआयडीसीमध्ये मोठा स्फोट झालाय. येथील रेडीको एन व्ही कंपनीमधील मका साठवून ठेवणाऱ्या बॉयलरचा स्फोट झालाय. या स्फोटात आतापर्यंत तीन कामगारांचा मृत्यू झालाय. तर ७ ते ८ कामगार बॉयलर खाली दबलेले असल्याची प्राथमिक माहिती मिळालीय. बॉयलरची वेल्डिंग सुरू असतानाच बॉयलरमध्ये स्फोट झाला. स्फोट झाल्यामुळे बॉयलर कोसळले , त्याखाली ७ ते ८ कामगार दबल्या गेले आहेत.

स्फोट झाल्यानंतर तेथे युद्ध पातळीवर बचावकार्य सुरू करण्यात आलं. जखमींना रुग्णालयात दाखल करण्यासाठी रुग्णवाहिका घटनास्थळी दाखल झाल्या आहेत. बॉयलरचा स्फोट झाल्यानंतर त्यात साठवून ठेवलेला मका खाली पडला असून हा मका बाजुला करण्याचे काम सुरू आहे. त्याच खाली कामगार दबले आहेत. (बातमी अपडेट होत आहे)