Violence in Chhatrapati Sambhaji Nagar : छत्रपती संभाजीनगरात काल रात्री दोन गटात तुफान राडा. रात्री साडेअकरा ते पहाटे साडेतीन वाजेपर्यंत हिंसाचार सुरू होता. यावेळी जमावाले पोलिसांची वाहनं जाळली. जमावाला नियंत्रित करण्यासाठी पोलिसांनी हवेत गोळीबार देखील केला. दरम्यान आता शहरातील परिस्थिती नियंत्रणात आली आहे.
परंतु या हिंसाचारानंतर आता राजकीय आरोप प्रत्यारोप केले जात आहे. छत्रपती संभाजीनगरमध्ये मध्यरात्री झालेल्या राड्यानंतर विधान परिषदेतील विरोधी पक्षनेते अंबादास दानवे यांनी या हिंसाचारासाठी थेट भाजप आणि एमआयएमला जबाबदार धरले आहे.
दानवेंचे थेट भाजप, एमआयएमवर आरोप
आंबादास दानवे म्हणाले, एमआयएम आणि भाजपकडून जाणीवपूर्वक गेल्या काही दिवसांपासून सामाजिक तेढ निर्माण होईल अशा पद्धतीने आंदोलने केली जात आहेत. हा त्याचाच परिपाक आहे. हे आता किती सहन करायचं? असा सवाल करत दानवे यांनी भाजप आणि एमआयएमवर आरोप केले आहेत. तसेच पोलीस आयुक्तांनी आता कडक भूमिका घेतली पाहिजे अशी मागणी देखील दानवे यांनी केली आहे. (Sambhajinagar News)
घटनेत कोणाचा सहभाग? तपास सुरू
छत्रपती संभाजीनगरमध्ये रात्री झालेल्या हिंसाचारानंतर पोलिसांनी वेगवेगळी पथके तयार केली आहेत. या घटनेत कोणाचा सहभाग होता हे ट्रेसिंग केले जात आहे. तसेच या प्रकरणात गुन्हे देखील दाखल करण्याची प्रक्रिया सुरू झाली आहे. (Latest Political News)
रात्री हिंसाचारादरम्यान झालेली दगफडफेक, जाळपोळ आणि त्यानंतर झालेल्या नुकसानीप्रकरणी गुन्हे दाखल करण्याची प्रक्रिया सुरू झाली आहे. या घटनेतील प्रमुख दोषींवर कारवाई करण्याची मोहीम पोलिसांनी हाती घेतली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
