Drunken Doctor: छ. संभाजीनगरमध्ये धक्कादायक घटना; मद्यधुंद डॉक्टर रुग्णालयातच झाला निर्वस्त्र

(रामू ढाकणे, छ.संभाजीनगर)

Bidkin Gramin Hospital :

छत्रपती संभाजीनगर जिल्ह्यातील बिडकीनच्या ग्रामीण रुग्णालयातून एक धक्कादायक समोर आलाय. मद्यधुंद अवस्थेत असलेल्या डॉक्टरने निर्वस्त्र होऊन नग्न अवस्थेत रुग्णालयात राडा घातला. हा सगळा प्रकार रुग्णालयातील सीसीटीव्ही कॅमेरात कैद झालाय.(Latest News)

दरम्यान हा व्हिडिओ प्रचंड व्हायरल झाल्याने एकच खळबळ उडालीय. विशेष म्हणजे हा व्हिडिओ आयसीयूमधील असल्याची प्राथमिक माहिती मिळतेय. रुग्णालयातच हा सगळा प्रकार घडल्याने प्रशासनाकडून संबंधित डॉक्टरवर तात्काळ कारवाई करण्यात यावी, अशी मागणी नागरिकांडून होत आहे.

रुग्णांना भेटण्यासाठी येणाऱ्या नातेवाईकांना पास

छत्रपती संभाजीनगर येथील घाटी शासकीय रुग्णालयात रुग्णांना भेटण्यासाठी येणाऱ्या नातेवाईकांना पास देण्यात येणार आहेत. हे पास दाखविल्यानंतरच त्यांना रुग्णालयात प्रवेश मिळणार आहे. घाटी रुग्णालयात रुग्णांच्या नातेवाईकांची माेठ्या प्रमाणात गर्दी होत असते. ही गर्दी कमी करण्यासाठी घाटी प्रशासनाने पुन्हा एकदा पास देण्याची यंत्रणा राबविण्याचा निर्णय घेतलाय.

हा पास दाखविल्यानंतरच नातेवाईकांना रुग्णालयात प्रवेश दिला जाणार आहे. सामान्य रुग्णांना भेटण्यासाठी नातेवाईकांना निळ्या रंगाचा पास तर गंभीर रुग्णांसाठी लाल रंगाचे दोन पास दिले जातील.