वडिलांना चहा दिला, जिममध्ये गेली, क्षणात खाली कोसळली; २० वर्षीय तरूणीचा ह्रदयविकाराच्या झटक्यानं मृत्यू

जीममध्ये एका तरूणीचा हार्टअॅटॅकनं मृत्यू झाला आहे. सुरूवातील तरूणी अचानक चक्कर येऊन खाली कोसळली. तिला तात्काळ हॉस्पिटलमध्ये नेण्यात आले. मात्र,उपचार सुरू असतानाच तिचा मृत्यू झाला. ही धक्कादायक घटना बीड बायपास परिसरात घडली आहे. एकुलती एक मुलगी गमावल्याने कुटुंबावर दुखा:चा डोंगर कोसळला आहे. या घटनेनंतर परिसरात शोक व्यक्त केला जात आहे.

प्रियांका अनिल खरात (वय वर्ष २०) असं तरूणीचे नाव आहे. तिने बीफार्मसीपर्यंत शिक्षण पूर्ण केलं आहे. पुढील शिक्षणाची ती तयारी करीत होती. तर, तिचे वडील अनिल खरात पोलीस हवालदार म्हणून कार्यरतआहे. खरात कुटुंब बीड बायपास परिसरातील मस्के पेट्रोल पंपाजवळील अपार्टमेंटमध्ये वास्तव्यास आहे.

गुरूवारी सायंकाळी प्रियांकाची आई घराबाहेर गेली होती. त्यामुळे प्रियांकाने वडिलांना चहा करून दिला. त्यानंतर भाऊ आणि मैत्रिणीसह ती जिमसाठी निघाली. काही वेळ जिममध्ये व्यायाम केल्यानंतर तिला अस्वस्थ वाटू लागलं. ती क्षणात खाली कोसळली. प्रियांकाला तातडीने खासगी रूग्णालयात दाखल करण्यात आले.

मात्र, उपचार सुरू असतानाच तिला ह्रदयविकाराचा झटका आला. ह्रदयविकाराच्या झटक्यानं तिचा दुर्देवी मृत्यू झाला. सायंकाळी गादिया विहार स्मशानभूमीत तिचे अंत्यसंस्कार करण्यात आले. प्रियांकाच्या मृत्यूनंतर गावात शोककळा पसरली असून, खरात कुटुंबावर दुखा:चा डोंगर कोसळला आहे.