Sambhajinagar News : रणरागिनीने धडा शिकवला! भरचौकात छेड काढणाऱ्याचा गाल केला लाल, संभाजीनगरातील व्हिडिओ व्हायरल

छत्रपती संभाजीनगरमध्ये एकट्या मुलीला पाहून एका ट्रक चालकाने अश्लील वर्तन केले. मात्र या मुलीने दुर्गेचं रूप घेऊन आपल्या हाताना शस्त्र बनवतं या ट्रक चालकाशी दोन हात केले. या घटनेचा व्हिडिओ सोशल मीडियावर व्हायरल होत आहे. दरम्यान या रणरागिणीने दाखवलेल्या धैर्याचं कौतुक नेटकरी करत आहे.

मिळालेल्या माहितीनुसार, छत्रपती संभाजीनगरमध्ये एक तरुणी रस्त्यावर मैत्रिणीची वाट पाहत उभी होती. रस्त्यावरून गाड्यांची ये जा सुरु होती. मात्र रस्त्याच्या बाजूला उभ्या असलेल्या एका ट्रकच्या चालकाने तरुणीकडे बघून काही इशारे केले. त्यानंतर तिच्याशी अश्लील वर्तन केले. हे पाहून तरुणी संतापली. कशाचीही परवा न करता मन एकवटून तिने ट्रकचालकाच्या कानाखाली मारली.

एवढं होऊनही हा नालायक ट्रक चालक थांबला नाही. त्याने तरुणीला अजून त्रास दिला. मात्र जवळच्या चौकात ड्यूटीवर असलेल्या पोलिसांनी हा सर्व प्रकार बघताच क्षणी धावत तरुणीजवळ गेले. आणि नराधम ट्रक चालकाला तरुणीची पायधरुन माफी मागायला लावली. मात्र तरुणीने बाजूला सरकत त्याची माफीही स्वीकारली नाही.

पोलिसांनी सांगितल्यानुसार, आरोपीचे नाव शिवराम तानाराम देवासी असे आहे. तो कर्नाटकातला असून ट्रक चालक आहे. तो कर्नाटकातून माल घेऊन मोंढा नाका भागात आला होता. तेथे माल उतरवल्यावर त्याने मद्यप्राशन केले. तेथून क्रांती चौकात जाऊन या तरुणीची छेड काढली. मुलीसोबत गैरवर्तन करताना शिवराम हा नशेत होता. दामिनी पथकाच्या निर्मला अंभोरे यांच्या हस्तक्षेपानंतर क्रांती चौक पोलिसांनी शिवरामवर प्रतिबंधात्मक कारवाई केली आहे. या घटनेचा व्हिडिओ सोशल मीडियावर व्हायरल होत आहे.