Sambhaji Nagar News: मुलीच्या प्रेमविवाहास मदत केल्याचा राग; पित्याने मावसभावासह मुलाला कारखाली चिरडलं

Sambhaji Nagar Crime News: प्रेमविवाह करण्यासाठी आपल्या मुलीला मदत केल्याच्या रागातून एका पित्याने दुचाकीवरून जाणाऱ्या मावस भाऊ आणि त्याच्या मुलाला जीपखाली चिरडलं. या घटनेत एकाचा जागीच मृत्यू झाला असून एकजण गंभीर जखमी झालाय.
Chhatrapati Sambhaji Nagar News
Chhatrapati Sambhaji Nagar NewsSaam TV

Chhatrapati Sambhaji Nagar News

प्रेमविवाह करण्यासाठी आपल्या मुलीला मदत केल्याच्या रागातून एका पित्याने दुचाकीवरून जाणाऱ्या मावस भाऊ आणि त्याच्या मुलाला जीपखाली चिरडलं. या घटनेत एकाचा जागीच मृत्यू झाला असून एकजण गंभीर जखमी झालाय. थरकाप उडवणारी ही घटना छत्रपती संभाजीनगर शहरातील वाळूज परिसरात गुरुवारी (ता. २८) दुपारच्या सुमारास घडली.  (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Chhatrapati Sambhaji Nagar News
Court on Applying Kunku: कुंकू लावणं विवाहित महिलेचं धार्मिक कर्तव्य; आताच पतीकडे नांदायला जा, कोर्टाचे पत्नीला आदेश

या घटनेमुळे परिसरात एकच खळबळ उडाली आहे. या घटनेनंतर आरोपी फरार झाला असून पोलीस त्याचा शोध घेत आहे. सचिन वाकचौरे असं संशयित आरोपीचं नाव आहे. तर पवन शिवराम लोढे (वय २४) असे मृत तरुणाचे नाव आहे.

या घटनेत पवनचे वडील शिवराम लोढे गंभीर जखमी झाले असून त्यांच्यावर रुग्णालयात उपचार सुरू आहे. मिळालेल्या माहितीनुसार, आरोपी सचिन याच्या मुलीने काही दिवसांपूर्वी प्रेमविवाह केला होता. (Latest Marathi News)

मुलीच्या प्रेमविवाहाला मावस भाऊ आणि त्याच्या मुलानेच मदत केल्याचा संशय आरोपीच्या मनात होता. या संशयातून त्याने शेंदूर वाडा ते सावखेडा रस्त्यावर दुचाकीवरून निघालेल्या मावस भाऊ आणि त्याच्या मुलाला जीपने उडवलं.

धक्कादायक बाब म्हणजे, तरुण खाली पडल्यानंतर आरोपीने त्याच्या अंगावर चार वेळा बोलेरो कार घालून त्याची हत्या केली. हत्येनंतर आरोपी फरार झाला असून पोलीस त्याचा शोध घेत आहेत. या घटनेनं परिसरात मोठी खळबळ उडाली आहे.

Edited by - Satish Daud

Chhatrapati Sambhaji Nagar News
IMD Weather Forecast: उन्हाच्या झळांपासून मिळणार दिलासा; येत्या २४ तासांत या भागात कोसळणार पाऊस

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com