मुंबई: वाढत्या उष्णतेमुळे अंगाची सध्या लाही लाही होत असताना दिसून येत आहे. राज्यात २ दिवस वादळी वाऱ्याबरोबरच पाऊस होण्याची शक्यता हवामान विभागाने (India Meteorological Department) वर्तवली आहे. महाराष्ट्रात २१ एप्रिलपासून वादळी वाऱ्याबरोबरच अवकाळी पावसाची (Rain) शक्यता आहे. (Maharashtra Weather Forecast)
हे देखील पहा-
पश्चिमी चक्रवातामुळे आणि कमी दाबाचे क्षेत्र तयार होत असल्याने २१ एप्रिलपासून २ दिवस राज्यामध्ये वादळी (Storm) वाऱ्याबरोबरच पावसाचा इशारा भारतीय हवामान विभागाकडून देण्यात आला आहे. कोकण, मध्य महाराष्ट्र (Maharashtra) आणि मराठवाड्यामध्ये २१ एप्रिलपासून पावसाचा अंदाज हवामान खात्याकडून वर्तवण्यात आला आहे.
मराठवाड्याबरोबरच (Marathwada) तळकोकणाला या वादळी वाऱ्याचा जास्त प्रमाणात फटका बसण्याची शक्यता वर्तवण्यात येत आहे. रत्नागिरी (Ratnagiri) आणि सिंधुदुर्गात देखील वादळी वाऱ्याबरोबरच पावसाची शक्यता वर्तवण्यात आली आहे. हवामान विभागाच्या अंदाजानुसार मध्य महाराष्ट्रात २१ एप्रिलपासून काही ठिकाणी पावसाची शक्यता आहे. तर पुणे, कोल्हापूर, सातारा, सांगली आणि सोलापुरामध्ये वादळी वाऱ्याबरोबरच पाऊस कोसळण्याचा अंदाज आहे. संपूर्ण विदर्भात वादळी वाऱ्यासह पाऊस पडण्याची शक्यता आहे.
मराठवाड्यातील उस्मानाबाद, लातूर, नांदेड, हिंगोली आणि परभणी या ठिकाणी देखील पावसाची शक्यता वर्तवली जात आहे. दरम्यान, २१ एप्रिलपासून राज्यात काही भागात वादळी वाऱ्यासह पाऊस पडणार असला, तरी हवामान विभागाने वर्तवलेल्या अंदाजानुसार आज विदर्भातील चंद्रपूर आणि अकोल्यात उष्णतेच्या लाटेची शक्यता आहे. तर उद्यापासून म्हणजे २० एप्रिलपासून तापमानात घट होणार आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
