बीड: चक्री जुगार अड्ड्यावर नऊ ठिकाणी धाडी! तब्बल 29 आरोपींना अटक

विनोद जिरे

बीड: शहरातील पेठ बीड भागात पोलीस अधीक्षकांच्या पथकाने 9 ठिकाणी धाडी टाकून, चक्री जुगार खेळविणाऱ्या 9 जणांसह 20 जणांना रंगेहात पकडले आहे. यावेळी रोख 85 हजार रुपयांसह संगणक, लॅपटॉप असा एकूण 3 लाख 90 हजार 780 रुपयांचा मुद्देमाल जप्त केला आहे. यामुळे बीड शहरात खळबळ उडाली असून शहरासह जिल्ह्यात चक्री जुगार मोठ्या प्रमाणात खेळला जात असल्याचे समोर आले आहे. (Beed Breaking News)

पोलीस अधीक्षक यांच्या विशेष पथकाने बीड शहरातील चांदणी चौक, कडबा मंडई, रामतीर्थ नाका, एमआयडीसी रोड या भागांत धाडी टाकून चक्री जुगार खेळविणाऱ्याच्या मुसक्या आवळल्या आहेत.

हे देखील पहा-

जागोजागी पत्र्याचे शेड थाटून त्यात राजरोस चक्री जुगार खेळविणाऱ्यांच्या संख्येत भर पडू लागली.अनेक बेरोजगार तरुणांना चक्री जुगाराचे आकर्षण वाढले होते. यातून अनेक कुटुंबे उद्ध्वस्त होण्याची भीती निर्माण झाली होती. या कारवाईमुळे अवैधरित्या चक्री जुगारअड्डा चालविणाऱ्यांचे धाबे दणाणले आहेत. पोलीस अधीक्षक यांच्या सूचनेनुसार ही कारवाई केली असल्याचे सहायक पोलीस निरीक्षक गणेश धोक्रट यांनी सांगितलं.