Panchayat Samiti News : बीडीओंच्या घरी जाऊन ग्रामसेवकाने असं काही केले पत्नीने थेट गाठलं पाेलिस ठाणे

- संजय राठाेड

यवतमाळच्या (yavatmal) पांढरकवडा पंचायत समितीचे गटविकास अधिकाऱ्यांना घरी जाऊन धक्काबुक्की करीत जीवे मारण्याची धमकी ग्रामसेवकासह एकाने दिली. यामुळे पंचायत समितीच्या अधिकारी आणि कर्मचाऱ्यांमध्ये मोठी खळबळ उडाली आहे. (Maharashtra News)

गटविकास अधिकारी विठ्ठल जाधव हे गत सहा महिन्यापासून पांढरकवडा पंचायत समितीला कार्यरत आहे. ग्रामसेवकासह अन्य एकाने त्यांच्या घरी जाऊन आमच्या दोघांविरुद्ध चौकशी का सुरू केली असे म्हणून ठार मारण्याची धमकी दिली.

याप्रकरणी गट विकास अधिकारी यांच्या पत्नी निर्मला जाधव यांनी पोलिसात तक्रार दिली. त्यानंतर पाेलिसांकडून (police) दोघांविरुद्ध गुन्हा दाखल करण्यात आला आहे. ग्रामसेवकाने (gramsevak) देखील गट विकास अधिकारी दबाव टाकत असल्याची तक्रार पाेलिसांत दिली आहे.

Edited By : Siddharth Latkar