सिंदखेडराजा ते शेगाव (sindkhed raja to shegaon) या होऊ घातलेल्या भक्ती मार्गाला शेतक-यांनी विरोध दर्शविला हाेता. हा मार्ग रद्द करावा या मागणीसाठी आज (गुरुवार) शेतक-यांनी बुलढाणा जिल्हाधिकारी कार्यालयात (buldhana collector office) ठिय्या आंदोलन (aandolan) केले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
राज्य सरकारने सिंदखेडराजा ते शेगाव अश्या या भक्ती मार्गाची घोषणा केली आहे. त्या मार्गाचे सर्वेक्षण नुकतेच करण्यात आले आहे. या मार्गात येणा-या शेत जमिनी या सर्व पिकाऊ शेत जमिनी आहेत. येथे अल्पभुधारकाच्या जास्त शेत जमिनी येत आहे. भक्ती मार्ग झाला तर हजारो शेतकरी भूमिहीन होणार असल्याची भिती शेतकरी वर्ग व्यक्त करु लागला आहे.
सिंदखेडराजा वरून शेगावला जाण्यासाठी अनेक मार्ग उपलब्ध आहेत म्हणून सिंदखेडराजा तालुक्यातील असंख्य शेतकऱ्यांनी या भक्ती मार्गाला सरळ सरळ विरोध दर्शवित आहेत. आज शेकडो शेतकऱ्यांनी जिल्हाधिकारी यांच्या दालनासमोर ठिय्या आंदोलन केले. (Maharashtra News)
जिल्हाधिकारी यांना निवेदन देऊन तात्काळ हा भक्ती मार्ग रद्द करावा अन्यथा शेतकरी रस्त्यावर उतरून आंदोलन करतील असा इशारा शेतकऱ्यांनी प्रशासनास दिला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
