Buldhana : भरधाव कार कठड्यावर आदळली; ६ वर्षीय चिमुकल्यासह वृद्ध महिलेचा जागीच मृत्यू

संजय जाधव, साम टीव्ही

Buldhana Car Accident : बुलडाण्यात (Buldhana) अपघाताची एक भयंकर घटना घडली. भरधाव वेगात जाणाऱ्या कारला अचानक जनावरे आडवे आल्याने कार अनियंत्रित होऊन थेट पुलाच्या कठड्यावर धडकली. या दुर्देवी घटनेत एका ६ वर्षीय चिमुकल्यासह वृध्द महिलेचा जागीच मृ्त्यू झाला. तर ३ जण गंभीर जखमी झाले. जखमींना तातडीने अकोला येथील रुग्णालयात दाखल करण्यात आलं. (Buldhana News Today)

प्राप्त माहितीनुसार, खामगाव तालुक्यातील गणेशपूर -मोहाडी रस्त्यावर पहाटे घडली. जळगाव जामोद तालुक्यातील गाडेगाव खुर्द येथील अवचार कुटुंबिय काही कामानिमित्त मंगळवारी पहाटे चिखलीकडे कारने जात होते. दरम्यान, मोहाडी-गणेशपूर रस्त्यावर त्यांच्या वाहनाच्या समोर जनावर आडवे आल्याने भरधाव कार अनियंत्रित होऊन रस्त्याच्या कडेला असलेल्या कठड्याला धडकली.

या भीषण अपघातात नंदा विठ्ठल अवचार (वय ६०), ऋषभ अंगत अवचार (वय ६) जागीच ठार झालेत. तर अंगत विठ्ठल अवचार (वय ३५), माधुरी अंगत अवचार (वय ३०), कु. परी अंगत अवचार (वय ०२) गंभीर जखमी झाले. जखमींपैकी पती-पत्नी असलेल्या अवचार दाम्पंत्याला खामगांव खाजगी रुगणालयात हलविण्यात आले.

तर दोन वर्षीय बालिकेवर खामगाव येथील एका खासगी रूग्णालयात उपचार सुरू आहेत. अंगत विठ्ठल अवचार हे चिखली येथील भारतीय स्टेट बँकेचे कर्मचारी असल्याची माहिती समोर येत आहे. याप्रकरणी हिवरखेड पोलीसात अपघातात नोंद करण्यात आली आहे.

Edited By - Satish Daud