महिला पतिव्रता दाखवण्यासाठी मोठं कुंकू अन् मंगळसूत्र घालते; माजी आमदाराची जीभ घसरली

बुलढाण्यातील काँग्रेसचे माजी आमदाराची जीभ घसरली आहे. पतिव्रता असल्याचे दाखवण्यासाठी महिला मोठं कुंकू लावते आणि मोठे मंगळसूत्र घालते, असं वादग्रस्त वक्तव्य माजी आमदार राहुल बोंद्रे यांनी केलं आहे. चिखलीचे काँग्रेसचे माजी आमदार आणि बुलढाणा जिल्हा काँग्रेस अध्यक्ष राहुल बोंद्रे यांच्या विधानाने वाद निर्माण होण्याची शक्यता आहे.

बुलढाणा जिल्हा काँग्रेस कमिटीचे अध्यक्ष माजी आमदार राहुल बोंद्रे यांनी आज शनिवारी पत्रकार परिषद घेतली . या पत्रकार परिषदेत काल बुलढाण्याचे शिवसेनेचे आमदार संजय गायकवाड यांनी राहुल बोंद्रे यांच्या निवासस्थानी जाऊन भेट घेतली. या पक्ष प्रवेशावर उत्तर देताना तुम्ही काँग्रेस सोडून शिवसेनेत प्रवेश करणार आहात का? या प्रश्नावर आपला स्पष्टीकरण देताना राहुल बोंद्रे यांची जीभ घसरली.

'जी कुणी महिला असते, जीला दाखवावं लागतं की, मी पतिव्रता आहे. ती मोठं कुंकू लावते आणि मोठे मंगळसूत्र घालते, असे राहुल बोंद्रे म्हणाले. राहुल बोंद्रे यांच्या या महिलांबाबत केलेल्या या विधानामुळे वाद निर्माण होण्याची शक्यता आहे.

शिवसेना पक्ष प्रवेशाच्या चर्चांवर नेमकं काय म्हणाले?

राहुल बोंद्रे म्हणाले, 'देशभरात त्यांची मोडस ऑपरेंडी आहे. कार्यकर्त्यांवर दबाव निर्माण करायचा, त्यानंतर पक्ष प्रवेश भाजपमध्ये करून घ्यायचा. हे हेतूपरस्पर केलं जात आहे. मी आधीच सांगितलं आहे की, वारंवार सांगायची गरज नाही. एखादी पतिव्रता महिला असेल, ती मोठे कुंकू आणि मोठे मंगळसूत्र घालते. प्रत्येकाला तसं करण्याची गरज नसते. देवीची यात्रा होती, यात्रेविषयी चर्चा झाली. यात्रेत झालेली भेट होती. याच्याविषयी काहीच नव्हतं.