Buldhana Crime News: शेगावमध्ये दोन गटांत तुफान राडा, एकमेकांना लाठ्या-काठ्यांनी मारहाण; 23 जण जखमी

संजय जाधव, साम टीव्ही

Buldhana News: बुलढाणा जिल्ह्यातून एक धक्कादायक घटना समोर आली आहे. शेगाव तालुक्यातील वरूड गव्हाण या गावात रविवारी रात्री दोन गटात तुफान राडा झाला आहे. जुन्या वादातून दोन गट एकमेकांवर तुटून पडले. तसेच एकमेकांना दगड विटा आणि लाठ्या-काठ्यांनी बेदम मारहाण केली. (Latest Marathi News)

या घटनेत दोन्ही गटातील २० ते २५ जण जखमी झाल्याची माहिती आहे. त्यांना उपचारासाठी जिल्हा सामान्य रुग्णालयात दाखल करण्यात आलं आहे. जखमींपैकी ८ जणांची प्रकृती चिंताजनक असल्याने त्यांना अकोला येथील रुग्णालयात हलवण्यात आलं आहे.

या घटनेनंतर परिसरात तणावपूर्ण वातावरण होते. मात्र, पोलिसांनी (Police) वेळीच मध्यस्थी करत परिस्थिती नियंत्रणात आणली. वरुड गावात सध्या पोलिसांच्या दंगा काबू पथकासह मोठ्या प्रमाणात पोलीस बंदोबस्त तैनात करण्यात आला आहे.

सध्या गावात तणावपूर्ण शांतता असून पोलीस पुढील तपास करत आहे. मिळालेल्या माहितीनुसार, शेगाव तालुक्यातील वरुड गावात (Buldhana News) रविवारी रात्रीच्या सुमारास जुन्या वादातून दोन गटात वाद झाला. क्षणार्धात या वादाचे रुपांतर हाणामारीत झाले.

दोन्ही गटातील लोकांनी एकमेकांवर दगड, विटा लाठ्या-काठ्यांनी बेदम मारहाण केली. या मारहाणीत दोन्ही गटाचे जवळपास २३ जण जखमी झाले. जखमींपैकी ८ जणांची प्रकृती चिंताजनक आहे.

त्यांना पुढील उपचारासाठी अकोला येथील रुग्णालयात दाखल करण्यात आले आहे. तर उर्वरित लोकांवर जिल्हा सामान्य रुग्णालयात उपचार सुरू आहे. या घटनेचा अधिकचा तपास पोलीस करीत आहेत.

Edited by - Satish Daud