Nanded: परशुराम आर्थिक विकास महामंडळाची स्थापना करा : ब्राह्मण समाजाची मागणी

- संजय सूर्यवंशी

Nanded News :

विविध मागण्यांच्या पुर्ततेसाठी आज (बुधवार) ब्राह्मण समाजाच्या वतीने नांदेड जिल्हाधिकारी कार्यालयासमोर एक दिवसीय लाक्षणिक उपोषण आणि आंदोलन (brahman samaj andolan) करण्यात आले. या आंदाेलन काळात ब्राह्मण समाजाने जिल्हाधिकारी यांनी मागण्यांचे निवेदन दिले. .(Maharashtra News)

जिल्हाधिकारी यांना दिलेल्या निवेदनात भगवान परशुराम आर्थिक विकास महामंडळाची निर्मिती करून एक हजार कोटी रुपयांची तरतूद करावी, ब्राह्मण विद्यार्थ्यांना शिक्षण, स्वतंत्र वस्तीगृह, मंदिरातील पुजाऱ्यांना दरमहा 5 हजार मानधन द्यावे.

प्राप्त इनामी जमिनी वर्ग 2 मधून वर्ग 1 मध्ये करण्यात याव्यात, राज्यातील सर्व वंश परंपरागत मंदिरे पुरोहितांकडे सुपूर्द करावीत आणि शिष्यवृत्तीचा लाभ घेणाऱ्या व्यक्तींना खुल्या प्रवर्गातून संधी देऊ नये असे नमूद करण्यात आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या मागण्यांसाठी जालना येथे दीपक रणनवरे हे मागील 8 दिवसांपासून उपोषणास बसले आहेत. त्यांच्या समर्थानात नांदेड ब्राह्मण समाजाच्या वतीने लाक्षणिक उपोषण व आंदोलन करण्यात आले.

Edited By : Siddharth Latkar