Borghat Waterfall : ऐन उन्हाळ्यात धबधबे झाले प्रवाहित; मुंबई -पुणे एक्स्प्रेस वेवर प्रवाशांना वेगळा अनुभव, पाहा Video

गेल्या काही दिवसांपासून राज्याला वळवाच्या पावसाने अक्षरश: झोडपून काढलं आहे. नदी-नाल्यांना पाणी आलं आहे. दरम्यान पुणे जिल्ह्यातील मावळातून एक मोठी बातमी समोर आली आहे. मावळ आणि लोणावळा भागातील धबधबे ऐन उन्हाळ्यात प्रवाहीत झाले आहेत. मावळात मेघगर्जनेसह वळवाच्या पावसाला सुरुवात झाली आहे.अचानक आलेल्या पावसाने पुणे मुंबई यशवंतराव चव्हाण एक्स्प्रेस वेवर लोणावळा बोरघाटात जागोजागी धबधबे प्रवाहित झाले आहेत.

पुण्याच्या आंबेगाव तालुक्यात, पिंपरी चिंवडसह संपूर्ण मावळात आज वादळी वाऱ्यासह आवकाळी पावसाला सुरुवात झाली आहे. जोरदार अवकाळी पावसाने उकाड्यापासून हैराण झालेल्या नागरिकांना थोडा दिलासा मिळाला आहे. मात्र शेतातील उन्हाळी पिकासह जनावरांचा चारा पिकांचं मोठं नुकसान झालं आहे.

मात्र गेल्या काह दिवसांपासून पडणाऱ्या वळवाच्या पावसामुळे नदी नाल्यांना पाणी आलं आहे. जोराचा आणि सतत पाऊस पडत असेल तरच धबधबे प्रवाहित होतात आणि हे फक्त पावसाळ्यातचं शक्य आहे. मात्र आता पावसाळ्यासारखा फिल येत आहे. कारण गेले १५ दिवस राज्यात सतत अवकाळी पाऊस पडतोय.

दोन दिवसांपासून बदलापुरात जोरदार पाऊस सुरू आहे. दोन दिवसांपूर्वीही असाच अवकाळी पाऊस बदलापुरात पडला होता. पंधरा ते वीस मिनिटांपासून सोसाट्याचा वारा सुरू आहे. श्रीकांत शिंदे यांच्या प्रचार रॅलीवर पावसाचं सावट आहे. ठाकरे गटाच्या उमेदवार वैशाली दरेकर यांच्या प्रचारासाठी उद्धव ठाकरे यांच्या डोंबिवलीत होणाऱ्या सभेवर देखील पावसाचं सावट आहे.