अकोला: शवविच्छेदन झालेल्या मृतदेहाची अहवेलना केल्याचा आरोप करीत नातेवाईकांनी मृतदेह थेट डीन कार्यालयात आणला. शवविच्छेदन गृहातील कर्मचाऱ्यांनी पैशाची मागणी केल्याचा आरोपही यावेळी करण्यात आला आहे. बुलडाणा जिल्ह्यातील खामगाव येथील अविनाश काळे नामक युवकाचा विष प्राशन करून मृत्यू झाला होता. शवविच्छेदनासाठी त्याचा मृतदेह अकोल्यातील जिल्हा शासकीय रुग्णालयात आणला होता.
दरम्यान शवविच्छेदन झाल्यानंतर मृतदेह पॉलिथिनमध्ये पॅक केला जातो. मात्र यावेळी पॉलिथिनमध्ये पॅक न करता चादर मध्ये गुंडाळून दिल्याने संतप्त नातेवाईकांनी मृतदेह थेट डीन कार्यालयात आणून ठेवला आहे. दरम्यान मृतदेह पॅकिंग करण्यासाठी पाचशे रुपयांची मागणी शवविच्छेदन गृहातील कर्मचाऱ्यांनी केल्याचा आरोप नातेवाईकांनी केला आहे. मृतदेह डीन कार्यालयात घेऊन जात असताना येथील कर्मचारी आणि नातेवाईकांमध्येही वाद झाला. आताही मृतदेह डीन कार्यलयात ठेवण्यात आलाय.
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.