Pandharpur Fire: पंढरपुरात अग्नितांडव! बी.के. शूज दुकान जाळून खाक; दोन ते अडीच कोटींचे नुकसान

Pandharpur Shop Fire News: पंढरपुरातून एक मोठा बातमी समोर आली आहे. पंढरपूर शहरातील बी.के शूज या दुकानाला आज मध्यरात्री अचानक आग लागली. आगीत संपूर्ण दुकान जळून खाक झाले आहे. या घटनेमध्ये सुमारे दोन ते अडीच कोटी रूपयांचे नुकसान झाल्याचा प्राथमिक अंदाज आहे‌. ही आग शाॅर्टसर्कीटमुळे लागली असावी असा अंदाज वर्तवण्यात येत आहे. (Latest Marathi News)

शहरातील लिंक रोड वरील या दुकानाला मध्यरात्री आग (Fire) लागली. आगीच्या धुराचे लोट बाहेर येवू लागल्यानंतर स्थानिकांनी दुकानाकडे धाव घेवून अग्नीशमन दलाला पाचारण केले. दोन बंबांनी आग विझवण्याचा प्रयत्न केला. (Pandharpur News)

तब्बल दोन तासांच्या अथक प्रयत्नानंतर आग आटोक्यात आली. दरम्यान आगीत दुकानातील किंमती शूज सह इतर साहित्य जळून खाक झाले. या आगीमुळे दुकान मालकीचे मोठे आर्थिक नुकसान झाले आहे.