बंडखोरी रोखण्यासाठी भाजपचा नवा फॉम्युला, इच्छुकांची भाऊगर्दी, मतदारांच्या दारोदारी

भाजपच्या या फॉर्म्युलामुळे एक तर बंडखोरी रोखण्यास मदत होणार आहे. विशेष म्हणजे एकाच प्रभागातले सर्व इच्छुक एकत्रितपणे मतदाराच्या दारी जाऊन नाव नव्हे चिन्ह पाहा ही घोषणा देत आहेत. त्यामुळे अधिकृत उमेदावाराला विरोध करणं इतर इच्छुकांना अवघड होणार आहे.

प्रत्येक प्रभागातील इच्छुक उमेदवार एकत्र मतदारांसमोर जातायत

ज्याला तिकीट मिळेल त्याला मतदान करण्याचं आवाहन इच्छुक करतायत

मतदार सगळ्या इच्छुक उमेदवारांची पडताळणी करतील

कोणता उमेदवार योग्य हे मतदारांच्या लक्षात येईल

त्यानंतर पक्षाकडून होणाऱ्या सर्वेक्षणात योग्य उमेदवार मतदार ठरवतील

सर्वेक्षणाच्या आधारेच निवडून येऊ शकणाऱ्या उमेदवाराला तिकीट मिळेल

अनेकदा तिकीट न मिळाल्याची नाराजी आणि अंतर्गत वादामुळे पक्षातील इच्छुकांकडून बंडखोरी केली जाते... ज्याचा पक्षाला फटका बसतो. त्यामुळे मतदानाच्या आधीच मतदारांमधून उमेदवार निवडीची रणनीती आखलीय. मात्र हा फॉर्म्युला इच्छुकांच्या किती पचनी पडणार आणि त्याला मतदारांमध्ये किती यश मिळणार याबाबत उत्सुकता आहे.