बुलडाणा: गेल्या अनेक वर्षांपासून बुलडाणा-सैलानी रस्त्याची अत्यंत दयनीय अवस्था झाली आहे. रस्त्यावर मोठमोठे खड्डे पडल्याने अपघाताचे प्रमाणही वाढले आहे आणि खड्ड्यांमुळे काही महिलांची प्रसूती वाहनांमध्येच झाल्याच्या घटनाही घडल्या आहेत. त्यामुळे या रस्त्याचे काम करण्यात यावे, अशी मागणी वेळोवेळी करण्यात आली (BJP Protest In Buldhana To Solve The Issue Of Bad Condition Of Buldhana-Raipur Road).
मात्र, संबंधितांनी दखल घेतली नसल्याने आज भाजपा (BJP) पदाधिकारी आणि कार्यकर्त्यांनी दिलेल्या इशाऱ्यावरुन आज बुलडाणा (Buldhana) येथे रास्तारोको आंदोलन केले. सागवान येथील पैनगंगा नदीच्या पुलावर करण्यात आलेल्या आंदोलनाला असंख्य पदाधिकारी सहभागी झाले होते. तर कार्यकर्त्यांनी रास्तारोको केल्याने बराच वेळ वाहतूक खोळंबली होती. मात्र सार्वजनिक बांधकाम विभागाचे अधिकारी दांदळे यांनी लेखी आश्वासन देत तात्काळ रस्त्याचे काम सुरू केले. त्यामुळे आंदोलन स्थगित करण्यात आले.
वाहतुकीचा खोळंबा होत असताना आंदोलक आणि पोलिसांमध्ये काही वेळ बाचाबाची देखील पाहायला मिळाली. यावेळी आंदोलनाला डॉ. राजेश्वर उबरहंडे, पद्मनाथ बाहेरकर, सतीश भाकरे यांच्यासह भाजपाचे विविध पदाधिकारी, कार्यकर्ते मोठ्या संख्येने उपस्थित होते.
Edited By - Nupur Uppal
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
