राज ठाकरे विधानसभेला महायुतीत सहभागी होण्याची चर्चा रंगली होती. मात्र राज ठाकरेंनी महायुतीत सहभागी न होता राज्यातील 128 जागांवर उमेदवार रिंगणात उतरवले. त्यातील एकही उमेदवार विजयी झाला नाही. मात्र त्यानंतरही आगामी मुंबई महापालिका निवडणुकीत युती करण्याचे संकेत नवनिर्वाचित मुख्यमंत्री देवेंद्र फडणवीसांनी दिलेत.तर राज ठाकरेंबाबत उपमुख्यमंत्री एकनाथ शिंदे निर्णय घेतील, असं शिंदे गटाने स्पष्ट केलंय.
लोकसभेला महायुतीला बिनशर्त पाठींबा देणाऱ्या राज ठाकरेंनी विधानसभा निवडणुकीत एकला चलोची भूमिका घेतली. मात्र त्याचा फटका ठाकरे गटाला बसण्याऐवजी महायुतीलाच बसल्याचं आकडेवारीवरून दिसून येतंय.
शिवडी
अजय चौधरी, ठाकरे गट, 74890 मतं (विजयी)
बाळा नांदगावकर, मनसे, 67750 मतं
विजयी मताधिक्य- 7140
माहीम
महेश सावंत, ठाकरे गट- 50213 मतं (विजयी)
सदा सरवणकर, शिंदे गट- 48897 मतं
मनसेला मिळालेली मतं- 33062 मतं
विजयी मताधिक्य- 1316
वरळी
आदित्य ठाकरे, ठाकरे गट- 63324 मतं (विजयी)
मिलिंद देवरा, शिंदे गट- 54523 मतं
मनसेची मतं- 19367
विजयी मताधिक्य- 8801
दिंडोशी
सुनील प्रभू, ठाकरे गट- 76437 मतं (विजयी)
संजय निरुपम, शिंदे गट- 70255
मनसेची मतं- 20309
विजयी मताधिक्य- 6182
वर्सोवा
हारुण खान, ठाकरे गट- 65396 मतं (विजयी)
भारती लवेकर, भाजप- 63796
मनसेची मतं- 6752
विजयी मताधिक्य- 1600
कलिना
संजय पोतनीस, ठाकरे गट- 59820 मतं (विजयी)
अमरजित सिंह, भाजप- 54812 मतं
मनसेची मतं- 6012
विजयी मताधिक्य- 5008 मतं
जोगेश्वरी पूर्व
बाळा नर, ठाकरे गट- 77044 मतं (विजयी)
मनिषा वायकर, शिंदे गट- 75503
मनसेची मतं- 12805
विजयी मताधिक्य- 1541 मतं
विक्रोळी
सुनील राऊत, ठाकरे गट-66093 मतं (विजयी)
सुवर्णा करंजे, शिंदे गट- 50567
मनसेची मतं- 16813
विजयी मताधिक्य- 15526 मतं
मुंबईत ठाकरे गटाचे 10 आमदार विजयी झालेत. त्यापैकी 7 जागांवर मनसेच्या उमेदवारामुळे ठाकरेंना फायदा झाल्याचं चित्र आहे. त्यामुळेच आगामी मुंबई महापालिका निवडणूकीत मनसेच्या स्वतंत्र लढण्याचा फायदा ठाकरे गटाला होऊ नये, यासाठी फडणवीसांनी राज ठाकरेंसोबत युतीचे संकेत दिलेत.मात्र फोन करूनही शपथविधीकडे पाठ फिरवणारे राज ठाकरे आता फडणवीसांना प्रतिसाद देणार की मराठीच्या मुद्द्यावर रान पेटवणार? याकडे लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.