देशमुखांच झालं तसं गवळीचं होणार, चंद्रकांत पाटलांचा महाविकास आघाडीला इशारा

नांदेड : अनिल देशमुखांच्या बाबतीत जसे झाले आहे तसेच भावना गवळीचं होईल, शेवटी त्यांच्या नेत्यांनी ही हातं वर केलं आहे, अशी टीका भाजपचे प्रदेशाध्यक्ष चंद्रकात पाटील यांनी भावना गवळीवर टीका केली आहे. भावना गवळी किती काळ पळापळ करणार असे देखील वक्तव्य भाजपचे प्रदेशाध्यक्ष चंद्रकांत पाटील यांनी टीका केली आहे.

हे देखील पहा-

तिघे नव्हे तर ५ जणही एकत्र येऊन आमच्याशी पंगा घेण्याचा प्रयत्न केला तरी आम्ही पुरून उरू, असा स्पष्ट इशारा भाजपचे प्रदेशाध्यक्ष चंद्रकांत पाटील यांनी दिला आहे. तिघाडीचे हे सरकार लवकरच, पण मुहूर्त सांगणार नाही, त्यांच्या कर्माने ते लवकरच कोसळणार आहेत, असे भाकीत त्यांनी यावेळी केले आहे. शिवसेनेचे माजी आमदार सुभाष पिराजी साबणे यांना भाजपने विधानसभेच्या देगलूर पोटनिवडणुकीसाठी उमेदवारी कालच जाहीर करण्यात आली आहे.

अतिवृष्टीने नुकसान झालेल्या शेतकऱ्यांना मदत तर लांबच मात्र, उध्दव ठाकरे यांनी शेतकऱ्यांची साधी विचारपूस देखील केली नाही अशी टीका भाजपचे प्रदेशाध्यक्ष चंद्रकात पाटील यांनी केली आहे. पंचनामे करायला शेतात उरलयं तरी काय माती सुध्दा वाहून गेली आहे. २०१९ च्या जीआर प्रमाणे शेतकऱ्यांना मदत करण्याची मागणी चंद्रकात पाटील यांनी यावेळी केली आहे.

Edited By- Digambar Jadhav