Sharad Pawar : शरद पवारांना सोलापूरमध्ये पुन्हा धक्का, कोठेंसह दिग्गजांनी हातात घेतलं कमळ

Solapur local election political shifts : स्थानिक स्वराज्य संस्थांच्या निवडणुकीचे बिहुल वाजले असतानाच सोलापुरात राष्ट्रवादी शरद पवार गटाला भाजपाने मोठा धक्का दिलाय. सोलापूरच्या राष्ट्रवादी शरद पवार पक्षातील मुख्य गट दिवंगत माजी महापौर महेश कोठे गटाने भाजपमध्ये प्रवेश केला. राष्ट्रवादी शरद पवार पक्षाचे माजी नगरसेवक प्रथमेश कोठे यांच्यासह स्थायी समितीचे माजी सभापती विनायक कोंड्याल, माजी नगरसेवक कुमुद अंकाराम, माजी नगरसेवक विठ्ठल कोटा, माजी नगरसेवक शशिकांत कैंची यांनी भाजपमध्ये प्रवेश केला.

भाजपा प्रदेशाध्यक्ष रविंद्र चव्हाण यांच्या प्रमुख उपस्थितीत तसेच पालकमंत्री जयकुमार गोरे व आमदार देवेंद्र दादा कोठे यांच्या प्रमुख उपस्थितीत प्रदेश कार्यालयात पार पडला प्रवेश सोहळा पार पडला. माजी नगरसेवक प्रथमेश कोठे यांचे वडील दिवंगत महेश कोठे यांनी राष्ट्रवादी शरद पवार पक्षाकडून विधानसभा निवडणूक लढवली होती. त्यामुळे भापमध्ये पुन्हा जुने विरुद्ध नवे असा वाद होण्याची शक्यता निर्माण झाली आहे. मात्र आगामी महानगरपलिका निवडणूकीच्या अनुषंगाने कोठे परिवार एकत्र आल्याने सोलापुरात जोरदार चर्चा  सुरू आहे.

माजी नगरसेवक प्रथमेश कोठे यांच्यासह स्थायी समितीचे माजी सभापती विनायक कोंड्याल, माजी नगरसेविका कुमुद अंकाराम, माजी नगरसेवक विठ्ठल कोटा, माजी नगरसेवक शशिकांत कैंची, माजी नगरसेविका मीरा गुर्रम, जोशी समाज शहर अध्यक्ष युवराज सरवदे, राष्ट्रवादी युवक काँग्रेसचे अध्यक्ष अक्षय वाकसे, राष्ट्रवादी युवकचे शहर उत्तर सरचिटणीस तुषार पवार, परिवहन समितीचे माजी सदस्य परशुराम भिसे, संतोष सोमा, वासु यलदंडी, दिनेश गुर्रम, आकाश भोसले आदींचा भाजपा प्रवेश संपन्न झाला.

मुख्यमंत्री देवेंद्र फडणवीस यांच्या नेतृत्वावर विश्वास ठेवून पालकमंत्री जयकुमार गोरे व थोरले बंधू आमदार देवेंद्र कोठे यांच्या मार्गदर्शनाखाली भारतीय जनता पार्टीमध्ये प्रवेश करण्याचा निर्णय घेतला. आजोबा स्व विष्णुपंत तात्या कोठे व माझे वडील स्व. महेश अण्णा कोठे यांचे सामाजिक व राजकीय कार्य अधिक जोमाने पुढे घेऊन जाण्यासाठी प्रयत्नशील राहीन. आमचा कोठे परिवार राजकारणात सुद्धा पुन्हा एकत्र आल्याचा आनंद आहे, असे प्रथमेश कोठे म्हणाले.