भाऊराव कारखान्याने शेअर्स ऐवजी सभासदांची संख्या वाढून भांडवल उभे करावे - प्रल्हाद इंगोले

नांदेड - भाऊराव चव्हाण सहकारी साखर कारखान्याने sugarfactory शेअर्सची किंमत न वाढवता तसेच सभासदांवर members आर्थिक बोजा न टाकता नविन सभासद (नियमित ऊस पुरवणारे सभासद) करून भागभांडवल जमा करावे अशी मागणी शिवसेनेचे shivsena नेते तथा ऊस दर नियंत्रण मंडळाचे माजी सदस्य प्रल्हाद इंगोले यांनी केली. Bhaurao factory should raise capital by increasing the number of members instead of shares

भाऊराव चव्हाण सहकारी साखर कारखाना स्थापन करतेवेळेस काही कारणांमुळे मुख्य प्रवर्तक अशोकराव चव्हाण यांना अनेक गावातील लोकांना सभासद करून घेता आले नव्हते त्यामुळे लहान, पारडी, शेलगाव यासह अनेक गावांतील विश्वासू कार्यकर्तेही वर्षांनुवर्षांपासून नाराज आहेत. आता सध्या कारखान्याला आर्थिक भांडवल भाग भांडवलाची गरज निर्माण झाली आहे. त्यामुळे कारखाना प्रशासनाने दहा हजारांवरुन पंधरा हजारांवर कारखान्याचा शेअर्स करण्याचा निर्णय घेतला आहे.

यामुळे मात्र शेतकऱ्यांमध्ये प्रचंड नाराजी पसरली आहे. एक तर दोन कारखाने विकूनही यावर्षी अगोदरच पूर्ण एफआरपी दिली नाहीच शिवाय त्यातच पुन्हा पाच हजार रूपये जास्तीचे द्यायचे म्हणले तर ते कुठून द्यायचे असा प्रश्न सभासदांना पडला आहे.

त्यामुळे कारखाना प्रशासनाने हा निर्णय मागे घ्यावा तसेच पालकमंत्री अशोकराव चव्हाणांनी ashok chavhanनियमित ऊस पुरवठा करणारे शेतकरी, सभासद न करून घेतलेले शेतकरी यांना नवीन सभासद करून घ्यावे व भागभांडवल उभे करावे असे झाल्यास शेतकरीही मोठय़ा आनंदाने भागभांडवल जमा करतील व जुन्या सभासदावर आर्थिक बोजा पडणार नाही.

म्हणून कारखाना प्रशासनाने आर्थिक संकटाच्या काळात जुन्या सभासदांवरती आर्थिक बोजा न टाकता नवीन लोकांना सभासद करून घेतल्यास राहिलेल्या लोकांनाही कारखाना व साहेब आपले वाटतील आणि आर्थिक भांडवली जमा होईल.

अशोक चव्हाण यांनी याबाबत लोकभावनेचा विचार करावा व नवीन लोकांना कारखान्याचे सभासद होण्याची संधी द्यावी अशीही मागणी शिवसेनेचे शेतकरी नेते प्रल्हाद इंगोले pralhad ingole यांनी केली.