Bhandara Accident: माय-लेकाची भेट अपूर्णच राहिली, गावी निघालेल्या तरुणाचा वाटेतच अपघाती मृत्यू

Bhandara News:

भंडारा जिल्ह्यात एक भीषण अपघात घडला आहे. दुचाकी रस्त्याच्या कडेला असलेल्या खांबाला आदळल्याने एका तरुणाचा जागीच मृत्यू झालाय. या घटनेत एका तरुणाचा मृत्यू झाला असून एक जण गंभीर जखमी झालाय. सध्या जखमींवर जवळच्या रुग्णालयात गुन्हा दाखल करण्यात आला आहे. (Latest Marathi News)

मिळालेल्या अधिक माहितीनुसार, भंडारा जिल्हा मोहाडी तालुक्यातील रामटेक-तुमसर राष्ट्रीय महामार्गावर सालई शिवारात हा अपघात घडला आहे. अपघात इतका भीषण होता की दुचाकीच्या पुढील भागाचा चक्काचूर झालाय. दुचाकी रस्त्याच्या कडेला असलेल्या खांबावर आदळली त्यामुळे दोन्ही तरुण हवेत फेकले गेले. यातील एक तरुण सुदैवाने बचावला असून तो गंभीर जखमी आहे.

हा अपघात सालई गाव शिवारात रात्री ८.३० च्या सुमारास घडला. मृतक तरुणाचे नाव शुभम प्रकाश भोयर (वय २५ वर्षे) राहणार बाम्हणी असे आहे. तर गंभीर जखमी तरुणाचे नाव मयूर प्रल्हाद भोयर (वय २४ वर्षे) राहणार बाम्हनी असे आहे. अपघाती निधन झाल्याने तरुणाच्या घरावर शोककळा पसरलीये. मुलगा घरी येणार म्हणून आई वाट पाहत होती मात्र या धक्कादयक घटनेमुळे आईने टाहो फोडलाय.

सुसाट कार दुभाजकाला धडकली, एकाचा मृत्यू, दोघे गंभीर

समृद्धी महामार्गावर देखील २२ सप्टेंबर रोजी एक भीषण अपघात झाला. या अपघातात एकाचा मृ्त्यू तर इतर प्रवाशी गंभीर जखमी आहेत. कार चालवत असताना अचानक टायर फुटला आणि वाहन चालकाचे कारवरील नियंत्रण सुटले. त्यामुळे मोठी दुर्घटना घडली. कार रस्त्यावर असलेल्या दुभाजकाला धडकली आणि एका तरुणाला आपला जीव गमवावा लागला.