जालना : जालन्यात राज्य सरकारच्या वतीने राज्यातील ६५ वर्ष वयोवृद्ध जेष्ठ नागरिकांना देण्यात येणाऱ्या श्रावणबाळ निवृत्ती वेतन योजना, इंदिरा गांधी राष्ट्रीय वृद्धावस्था निवृत्तीवेतन योजनेअंतर्गत मोठा सावळा गोधळ सुरू असल्याचा धक्कादायक प्रकार समोर आला आहे. महसूल विभागाकडून राबवण्यात येणाऱ्या या योजनेत चक्क २५ आणि ३५ वर्षाच्या जवळपास शेकडो नागरिकांना ६५ वर्षाचे लाभार्थी दाखवण्यात आल्याचा धक्कादायक प्रकार समोर आल्याने, महसूल विभागाचा सावळा गोंधळ चव्हाट्यावर आला आहे.
हे देखील पहा :
जालन्यात महसूल विभागाच्या वतीने श्रावणबाळ निवृत्ती वेतन योजना, इंदिरा गांधी राष्ट्रीय वृद्धावस्था निवृत्तीवेतन योजनेअंतर्गत नुकत्याच पात्र लाभार्त्यांच्या याद्या महसूल विभागाच्या कार्यालयात लावण्यात आल्या आहेत. यात योजनेस पात्र असलेल्या लाभार्थ्यांना या याद्या नुसार राज्य शासनाकडून दरमहा ४०० आणि त्याच लाभार्थ्यास इंदिरा गांधी राष्ट्रीय वृद्धावस्था निवृत्तीवेतन योजनेअंतर्गत (ब) अंतर्गत केंद्र सरकारकडून दरमहा २०० रुपये निवृत्तीवेतन मिळणार आहे.
मात्र, या योजनेसाठी त्या व्यक्ती चे वय हे ६५ वर्ष असावे असा नियम असतांना भोकरदन महसूल विभागाकडून लावण्यात आलेल्या यादीत शेकडो ज्यांची वय चक्क, २५ आणि ३५ वर्षाच्या जवळपास अशा व्यक्तीच्या समावेश केला गेला असल्याने महसूल विभागाचा सावळा गोधळ चव्हाट्यावर आलाय. महसूल विभागाच्या वतीने लावण्यात आलेल्या यादीत शेकडो नागरिकांची वयोमर्यादा बसत नसतांना त्यांची निवड या योजनेत करण्यात आल्याने महसूल विभागाच्या या कारभारावर प्रश्न उपस्थित केला जाऊ लागला आहे.
Edited By : Krushnarav Sathe
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.